ლიფტის შახტში ჩავარდნილი ბავშვი კონტაქტურია, მისი ჯანმრთელობის მდგომარეობა სტაბილურია - ექიმი

04 მარტი 2020, 15:41 1691 ნახვა

9 წლის მოზარდი, რომლიც ერთ-ერთი საცხოვრებელი კორპუსის ლიფტის შახტში ჩავარდა რეანიმაციაშია მოთავსებული. ექიმების ინფორმაციით, ბავშვის ჯანმრთელობის მდგომარეობა სტაბილურია, ის კონტაქტში შემოდის და ხელოვნური სუნთქვის აპარატი არ სჭირდება. დაშავებულს დამატებითი კვლევები ჩაუტარდება

''კვლევები დინამიკაში გრძელდება. დღეისათვის მდგომარეობა სტაბილურია. პაციენტის სპონტანურ სუნთქვაზეა, იგეგმება ღრმა კვლევები, კომპიუტერული ტომოგრაფიის გადაღება. ბავშვი ადეკვატურია, ცნობიერება ნათელი აქვს, კონტაქტში შემოდის'' - უთხრა აჭარის მაუწყებელს ექიმმა.

მოზარდი ლიფტის შახტაში მე 7 სართულიდან ჩავარდა. მრავლობითი დაზიანებებითა და მოტეხილობებით არასრულწლოვანი ოჯახმა დედათა და ბავშვთა კლინიკაში გადაიყვანა.

აჭარის მაუწყებელი

სოც. ადმინისტრატორი