პოლიციელის მკვლელის და საერთოდ, მკვლელის შეწყალება მიუღებელია - გიორგი გახარია

18 სექტემბერი 2019, 15:26 3659 ნახვა

საქართველოს პრემიერ მინისტრი ამბობს, რომ პოლიციელის და საერთოდ მკვლელის შეწყალება მიუღებელია. გიორგი გახარია შეწყალებაზე მორატორიუმის გამოცხადების შესახებ, პრეზიდენტის განცხადებას გამოეხმაურა.

„პირველ რიგში, მინდა ვთქვა, რომ შეწყალება არის პრეზიდენტის დისკრეცია, თუმცა ჩემთვის აბსოლუტურად მიუღებელია პოლიციელის მკვლელის და საერთოდ, მკვლელის შეწყალება. რა თქმა უნდა, აქ საჭიროა საკანონმდებლო ცვლილებებიც, რაც დასტურდება იმ ნაბიჯით, რომელიც პრეზიდენტმა გადადგა, გამოაცხადა მორატორიუმი. ეს უნდა იყოს საერთო მსჯელობის საგანი პარლამენტთან ერთად და რა თქმა უნდა, რაღაც ფილტრები უნდა გაჩნდეს, რათა მძიმე დანაშაულში, განსაკუთრებით მკვლელობაში დამნაშავე ადამიანები ასეთი ფორმით არ იყვნენ შეწყალებული“, – განაცხადა გიორგი გახარიამ.

საქართველოს პრეზიდენტმა, სალომე ზურაბიშვილმა დღეს მსჯავრდებულთა შეწყალებაზე მორატორიუმი გამოაცხადა.

აჭარის მაუწყებელი

სოც. ადმინისტრატორი