ქობულეთში დააკავეს ექიმი, რომელიც ნარკოტიკული საშუალების შესაძენად ყალბ რეცეპტს ამზადებდა - შსს
17 ივლისი 2019, 21:34 10333 ნახვა
აჭარის საზოგადოებრივი მაუწყებლის ინფორმაციით, ქობულეთში, აღმაშენებლის ქუჩაზე, ექიმი უროლოგი დააკავეს.
მოქალაქეები ყვებიან, რომ ის პოლიციამ ქუჩიდან აიყვანა. ადგილზე პოლიციის ორი ეკიპაჟი იმყოფებოდა.
დაკავებული მოქმედი ექიმია და ქობულეთის საავადმყოფოში მუშაობს.
შინაგან საქმეთა სამინისტროს ინფორმაციით, მამაკაცი მოსამართლის განჩინების საფუძველზე აიყვანეს. გამოძიება კი სისხლის სამართლის კოდექსის 267-ე მუხლით მიმდინარეობს, რაც ნარკოტიკული საშუალების შესაძენად ყალბი რეცეპტის ან სხვა დოკუმენტის დამზადება გასაღებას გულისხმობს.
აჭარის საზოგადოებრივი მაუწყებლის გადამღები ჯგუფი საავადმყოფოში მივიდა. კლინიკაში ექიმის დაკავების შესახებ ინფორმაცია არ აქვთ.
მედიკოსის სამუშაო განყოფილება კი დაკეტილი იყო. საავადმყოფოში ამბობენ, რომ ექიმს ამბულატორიაში მედიკამენტებზე, სავარაუდოდ, ხელი არ მიუწვდებოდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
28 დეკემბრიდან 29 დეკემბრის დილამდე საქართველოში მოსალოდნელია დროგამოშვებით ნალექი, მთაში ზოგან ძლიერი თოვა და ქარბუქი - გარემო
გადასვლა პოსტზე 
მაუწყებლობა