გამარჯვების შემთხვევაში ძლიერი თვითმმართველი მუნიციპალიტეტი გვექნება - ვახტანგ ბერიძე
19 მაისი 2019, 10:32 1986 ნახვა
''ქართული ოცნების'' ხულოს მერობის კანდიდატმა თქვა, რომ არჩევნებში გამარჯვების შემთხვევაში ის ყველას მერი იქნება. ჭახაურას 50-ე უბანზე ვახტანგ ბერიძე შვილიშვილებთან ერთად მივიდა.
''გამარჯვების შემთხვევაში, პირველ რიგში მადლობას გადავუხდი ყველა ამომრჩეველს, რადგან მე ვიქნები ყველას მერი. დავიწყებ არსებულ პრობლემებზე მუშაობას. შეხვედრების დროს, ყველა სოფლის პრობლემა შევისწავლეთ. გამარჯვების შემთხვევაში ძლიერი, თვითმმართველი მუნიციპალიტეტი გვექნება'' - აღნიშნა ვახტანგ ბერიძემ.
ხულოს ახალ მერს 24 ათას 123 ამომრჩეველი აირჩევს.
პოსტი ვაკანტური მას შემდეგ გახდა, რაც 2018 წლის 18 ოქტომბერს გოჩა მელაძე თანამდებობიდან წავიდა. 2017 წლის ადგილობრივი თვითმმართველობის არჩევნებზე მან “ქართული ოცნებიდან” იყარა კენჭი და 59,58%-ით გაიმარჯვა. ხულოს 84-ე საარჩევნო ოლქში არსებული 54 საარჩევნო უბნიდან 7-ია ადაპტირებული, ხოლო 10 მარტივად ადაპტირებული.
მერობისთვის ხულოში 14 კანდიდატი იბრძვის.
ამავე კატეგორიაში
#უსმინეთ!
#უყურეთ!
პოპულარული
ამინდი
ფოტო
20-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი - გარემო
გადასვლა პოსტზე 
მაუწყებლობა