ხულოს სახანძრო-სამაშველო სამსახურს ახალი ტექნიკა გადაეცა

08 მაისი 2019, 15:00 2161 ნახვა

ბათუმის შემდეგ, ახალი, მაღალი გამავლობის მქონე „ურალის“ მარკის წყალმზიდი და სამაშველო მანქანა L-200-ი, ხულოს განყოფილებას გადაეცა. ამასთანავე, განახლდა მეხანძრე-მაშველთა ფორმებიც.აჭარის მტავრობის პრესსამსახურის ინფორმაციით, ტექნიკური გადაიარაღების ფარგლებში, ხულოს სახანძრო-სამაშველო განყოფილებას, ბოლო 2 თვის განმავლობაში, უკვე 4 ახალი სახანძრო და სამაშველო მანქანა გადაეცა.

მანქანები ადაპტირებულია რთული რელიეფური პირობების შესაბამისად. ასევე საავტომობილო გზების და სამელიორაციო სისტემების მართვის დეპარტამენტმა ხულოს მუნიციპალიტეტს გზების მოვლა-შენახვის სამუშაოების განსახორციელებლად, ორი ერთეული ბულდოზერი გადასცა. აღნიშნული მანქანები თოვლისა და მეწყერის წმენდის განსახორციელებლად გამოიყენება. მიმდინარე წელს დეპარტამენტის ბიუჯეტიდან ხულოს მუნიციპალიტეტისთვის დაახლოებით 11 მილიონი ლარია გათვალისწინებული.

ლენა მამულაძე

ჟურნალისტი