მძიმე საცხოვრებელი და სოციალური პირობების მიუხედავად შეწყვეტილი შემწეობა

05 აპრილი 2019, 00:00 1684 ნახვა

ოჩხამურში, ყოფილი ქარხნის ტერიტორიაზე მცხოვრები ოჯახი დახმარებას ითხოვს. ამბობენ, რომ წლების წინ სოციალურად დაუცველის სტატუსი და დახმარება სავარაუდოდ, მეზობელ ქვეყანაში სამუშაოდ გადასვლის გამო მოუხსნეს. ამასთან აცხადებენ, რომ სტატუსის შეჩერების დღეს დაემთხვა წინასწარ გამოტანილი 3 თვის დახმარების ჩარიცხვა - ასე, რომ არ გამორიცხავენ ამ თანხასაც უკავშირდებოდეს მათი სახელმწიფოსგან დახმარების გარეშე დატოვება.

სოციალური მომსახურების სააგენტოში აცხადებენ, რომ ოჯახს განმეორებით რამდენიმე თვის გასვლის შემდეგ შეისწავლიან,უარის მიზეზი კი აქამდე ოჯახის წევრების შრომისუნარიანობა იყო.

ცნობისთვის, სურმანიძეებმა დავალიანების გამო ვერც გასულ წელს სტიქიის შემდეგ, დანგრეული სახურავის შესაკეთებლად, მერიის მიერ ჩარიცხული რამდენიმე ასეული ლარი გამოიყენა. სახელმწიფოს იმედად დარჩენილი, საფრთხის შემცველ სახლში მცხოვრები, დაუცველი ოჯახი.

ლოლა ტუმასიანი

ჟურნალისტი