საქართველოს ეროვნული ნაკრები ხვალ შვეიცარიას ხვდება

22 მარტი 2019, 00:00 1269 ნახვა

თბილისის ზღვის ტერიტორიაზე მდებარე ზესტაფონის ბაზაზე საქართველოს ეროვნულმა ნაკრებმა ვლადიმირ ვაისის ხელმძღვანელობით განაგრძო ,,ევრო 2020“-ის შესარჩევი ციკლის მატჩებისთვის მოსამზადებელი შეკრება. სლოვაკი თავკაცის გუნდმა სრული შემადგენლობით ივარჯიშა.

ხვალ საქართველოს ნაკრები შესარჩევ ციკლს შვეიცარიასთან მატჩით გახსნის. მატჩი„დინამო არენაზე“ 18 საათზე დაიწყება. უკვე თბილისშია შვეიცარიის ნაკრებიც, რომელიც ფიფა-ს რეიტინგში მე-8 ადგილზეა და სისტემატურად ხვდება მსოფლიოსა და ევროპის ჩემპიონატების ფინალურ ეტაპზე.

ჩვენი გუნდი შვეიცარიასთან მატჩისთვის 25 ფეხბურთელით ემზადება. პრესკონფერენციის შემდეგ ჯერ საქართველოს ნაკრები, მოგვიანებით კი შვეიცარიის გუნდი მატჩამდე ბოლო ვარჯიშს ჩაატარებენ.

ქეთევან ბოლქვაძე

წამყვანი და ჟურნალისტი