სუსი: ქობულეთიდან ბირთვული მასალის გაყიდვა 2 800 000 დოლარად იგეგმებოდა
13 მარტი 2019, 00:00 3868 ნახვასახელმწიფო უსაფრთხოების სამსახურის ინფორმაციით, ბირთვული მასალისადმი უკანონო მოპყრობისა და გასაღების ფაქტზე ორი პირი დააკავეს. დანაშაულებრივი ჯგუფის წევრები, საქართველოს მოქალაქეები არიან, ისინი სამართალდამცველებმა ქობულეთში აიყვანეს.
''გამოძიებამ დაადგინა, რომ აღნიშნული პირები ბირთვული მასალა "ურანის" გასხვისებას 2 800 000 აშშ დოლარად აპირებდნენ. დაკავებულების ჩხრეკის შედეგად ამოღებულ საგანზე ჩატარდა ექსპერტიზა, რომლის დასკვნის თანახმად მისი წონაა 40,19 გრამი და შეიცავს რადიოაქტიურ იზოტოპს "ურან-238"-ს, რომელიც მიეკუთვნება ბირთვულ მასალათა კატეგორიას. ამოღებული ნივთიერება საშიშია ადამიანის სიცოცხლისა და ჯანმრთელობისათვის'' - წერია განცხადებაში.
ბრალის დამტკიცების შემთხვევაში დაკავებულებს 5-დან 10 წლამდე თავისუფლების აღკვეთას ემუქრებათ.
გამოძიებას სახელმწიფო უსაფრთხოების სამსახურის კონტრდაზვერვის დეპარტამენტი აწარმოებს.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა