ავარიის დროს დაშავებული სამხედროების ჯანმრთელობის მდგომარეობა სტაბილურია

08 სექტემბერი 2018, 00:00 1541 ნახვა

ვაზიანში არსებულ სასროლეთის ტერიტორიაზე ავტოსაგზაო შემთხვევას ჯარისკაცი ემსხვერპლა. თავდაცვის სამინისტროს ინფორმაციით, სწავლების შემდეგ, ავტომანქანა, რომელშიც სამხედროები იმყოფებოდნენ გადაბრუნდა, რის შედეგადაც ჯანმრთელობის სხვადასხვა დაზიანება მიიღო 3-მა ადამიანმა. ისინი დაუყოვნებლივ გადაიყვანეს ინგოროყვას სახელობის კლინიკაში, სადაც მიყვანისთანავე გარდაიცვალა ერთ-ერთი სამხედრო.

სხვა დაშავებულების სიცოცხლეს საფრთხე არ ემუქრება.სამხედრო პოლიციის დეპარტამენტში დაწყებულია გამოძიება, საბრძოლო სატრანსპორტო მანქანის მართვის, ან ექსპლუატაციის წესის დარღვევის მუხლით, რამაც ადამიანის სიცოცხლის მოსპობა გამოიწვია. დანაშაული 3-7 წლამდე პატიმრობას ითვალისწინებს.

ამავე კატეგორიაში