რამდენად ეფექტიანად ახერხებს სახელმწიფო უსაფრთხოების სამსახური დანაშაულის პრევენციას? რას აკეთებს ტერორიზმის, ანტი-დასავლური პროპაგანდისა და მთავარი საფრთხის რუსული აგრესიისა და რუსული ე.წ. რბილი ძალის წინააღმდეგ – კითხვები ანგარიშის ირგვლივ და ანგარიშს მიღმა – დღეს საქართველოს პარლამენტის სამი კომიტეტის გაერთიანებულ სხდომაზე სახელმწიფო უსაფრთხოების სამსახურის 2017 წლის საქმიანობის ანგარიში მოისმინეს.
კითხვა-პასუხის რეჟიმზე გადასვლის შემდეგ სხდომა დაიხურა, რასაც უკმაყოფილება მოჰყვა ოპოზიციაში. მმართველ გუნდში აცხადებენ, რომ შეხვედრის მეორე ნაწილის დახურვის მიზეზი, საქმიანობის საიდუმლო ნაწილი იყო.