უკრაინული ინვესტიციები აჭარაში

19 ივლისი 2017, 00:00 3457 ნახვა

აჭარაში  უკრაინიდან  ვიზიტორების  რიცხვი  ყოველწლიურად იზრდება.  სტატისტიკის მიხედვით,  2016  წელს  რეგიონს უკრაინიდან 45 ათასი ტურისტი სტუმრობდა.  2013 წელს  ეს რიცხვი 21 ათასი იყო,  2014 წელს - 24 ათასი, 2015 წელს კი 24 ათას 587.თანამშრომლობის  კიდევ  ერთი  მიმართულება  სავაჭრო-ეკონომიკური  სფეროა.  2015-16 წლებში აჭარასა და უკრაინას შორის სავაჭრო ბრუნვა 22 მილიონ 442 ათას 253 ლარი იყო.

რაც შეეხება ექსპორტს,  თანხა 4 მილიონ 556 ათას 657 ლარია, იმპორტი კი თანხებში ასე გამოიყურება - 17 მილიონ 885 ათას 596 ლარი.  

თანამშრომლობის ახალი ეტაპი დღეს გაფორმებულ მემორანდუმში უნდა გაიწეროს. აჭარის რეგიონსა  და ოდესის ოლქს შორის თანამშრომლობის მემორანდუმს  დღეს მოეწერება ხელი. დოკუმენტი  სავაჭრო - ეკონომიკური, სამეცნიერო და  კულტურული მიმართულებით  თანამშრომლობას ითვალისწინებს.  ოდესის  ოლქსა და აჭარის რეგიონს  შორის თანამშრომლობა 2005 წლიდან იწყება. ძირითადი სფეროები კი ტურიზმი, ეკონომიკა და კულტურაა.

მზია მართალიშვილი
ჟურნალისტი

ამავე კატეგორიაში

#უსმინეთ!

#უყურეთ!

ამინდი