ამ რამდენიმეწამიანმა დიალოგმა ალბათ ყველაზე კარგად აჩვენა, სად არის მონობა და სად ქვეყნის სამსახური - შალვა პაპუაშვილი ელენე ხოშტარიას პოლიციელთან საუბარზე

12 იანვარი 2025, 18:22 147 ნახვა

ამ რამდენიმე წამიანმა დიალოგმა ალბათ ყველაზე კარგად აჩვენა, სად არის მონობა და სად – ქვეყნის სამსახური, – საქართველოს პარლამენტის თავმჯდომარე, შალვა პაპუაშვილი ელენე ხოშტარიას და სამართალდამცველს შორის დიალოგს ეხმაურება.

ვიდეოში რომელსაც პაპუაშვილი გამოეხმაურა, "დროას" ლიდერი პოლიციელს მიმართავს, რომ „კანონი მას ეუბნება, ემსახუროს ევროპას“. პოლიციელი კი აღნიშნავს: „მე უნდა ვემსახურო ჩემს ქვეყანას“.

„ამ რამდენიმეწამიანმა დიალოგმა ალბათ, ყველაზე კარგად აჩვენა, სად არის მონობა და სად – ქვეყნის სამსახური. სინამდვილეში ხომ ეს არის, რაზეც ჩვენ და ეს მარგინალები ვერ ვთანხმდებით“, – წერს შალვა პაპუაშვილი სოციალურ ქსელში.

ბათუმში, საკონსტიტუციო სასამართლოსთან მიმდინარე აქციაზე სამართალდამცველებსა და აქციის მონაწილეებს შორის სიტყვიერი დაპირისპირება ელენე ხოშტარის მიერ, პოლიციის მანქანაქზე სტიკერის დაკვრის მცდელობას მოჰყვა.

აჭარის მაუწყებელი

სოც. ადმინისტრატორი