მკვლელობაში ბრალდებულებს პატიმრობა შეეფარდათ
10 დეკემბერი 2024, 11:54 233 ნახვაბათუმის საქალაქო სასამართლომ აღკვეთის ღონისძიების სახით წინასწარი პატიმრობა შეუფარდა უცხო ქვეყნის ორ მოქალაქეს, რომლებიც ხელვაჩაურში მომხდარ მკვლელობაში ფიგურირებენ. მათ უცხო ქვეყნის 4 მოქალაქის მკვლელობა ედებათ ბრალად.
გამოძიების ვერსიით, ბრალდებულებმა, 7 დეკემბერს, ბათუმში, შურისძიების მოტივით, დროებით საცხოვრებელ სახლში ცეცხლსასროლი იარაღიდან გასროლით ჭრილობები მიაყენეს უცხო ქვეყნის ოთხ მოქალაქეს და შემთხვევის ადგილიდან მიიმალნენ.
მიღებული ჭრილობების შედეგად სამი პირი ადგილზე, ხოლო ერთ-ერთი მოგვიანებით, სამედიცინო დაწესებულებაში გარდაიცვალა. სამართალდამცველებმა ბრალდებულები შიდა ქართლში ავტომობილით გადაადგილებისას შეაჩერეს და ბრალდებულის სახით დააკავეს.
სამართალდამცველებმა ნივთმტკიცებად ამოიღეს სამი ცეცხლსასროლი იარაღი, ვაზნები და მჭიდი.
დანაშაული 20 წლამდე ან უვადო თავისუფლების აღკვეთას ითვალისწინებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
12-14 დეკემბერს საქართველოში მოსალოდნელია ნალექი, ზოგან ძლიერი თოვა და ქარბუქი - გარემო
გადასვლა პოსტზე 
მაუწყებლობა