შვედი ჟურნალისტები საქართველოს ტურისტულ პოტენციალს გაეცნენ

12 ნოემბერი 2024, 10:28 233 ნახვა

ტურიზმის ეროვნულმა ადმინისტრაციამ შვედური ონლაინ სამოგზაურო ჟურნალის, Freedom Travel.se-ს რედაქტორებსა და ბლოგერს უმასპინძლა. ინფორმაციას ტურიზმის ეროვნული ადმინისტრაცია ავრცელებს.

მათივე ცნობით, გამოცემას სკანდინავიის ქვეყნებში 1.5 მილიონზე მეტი მკითხველი ჰყავს.

პრესტური შვედეთში საქართველოს საელჩოს ჩართულობით შედგა.

პრესტურის ფარგლებში შვედური მედიის წარმომადგენლებმა თბილისი, მცხეთა, თელავი, ყაზბეგი, უფლისციხე, ბორჯომი და ბათუმი მოინახულეს.

უცხოური მედიის წარმომადგენლები ქართულ გასტრონომიას, ღვინოს, სათავგადასავლო ტურისტულ პროდუქტებს, სამთო კურორტებსა და კულტურულ ტურიზმს გაეცნენ. მედიის წარმომადგენლები საქართველოს შესახებ სტატიებსა და ბლოგებს მოამზადებენ როგორც Freedom Travel.se-ს მკითხველებისთვის, ასევე სოციალური ქსელების მომხმარებლებისთვის.

აჭარის მაუწყებელი

სოც. ადმინისტრატორი