ალექსანდრე მეტრეველის 80 წლისადმი მიძღვნილი ღონისძიება

08 ნოემბერი 2024, 14:05 197 ნახვა

სპორტის სამინისტროში ლეგენდარული ქართველი ჩოგბურთელის, ალექსანდრე მეტრეველის 80 წლისადმი მიძღვნილი ღონისძიება გაიმართა.

ალექსანდრე მეტრეველი ყოფილი საბჭოთა კავშირიდან ერთადერთი ჩოგბურთელია, რომელმაც უიმბლდონის ტურნირის ფინალში სამჯერ ითამაშა - 1973 წელს ერთეულთა თანრიგში, 1968 და 1970 წელს კი წყვილთა თანრიგში. ის იყო მსოფლიოს მეცხრე ჩოგანი. ქართველი ჩოგბურთელი ევროპის 16-გზის ჩემპიონია ერთეულთა, წყვილთა და შერეულ წყვილთა თანრიგებში.

ლეგენდარული სპორტსმენი დიდი სლემის 33 ტურნირის მონაწილეა. 1963-1980 წლებში მან დევისის თასზე 105-ჯერ ითამაშა და 80-ჯერ გაიმარჯვა. ალექსანდრე მეტრეველი არის ღირსების ორდენის კავალერი.

2015 წელს, უიმბლდონის ტურნირის მსვლელობისას, იგი ჩოგბურთის საერთაშორისო ფედერაციის (ITF) პრეზიდენტმა დევისის თასის სპეციალური მედლით დააჯილდოვა.

აჭარის საზოგადოებრივი მაუწყებელი

ადმინისტრატორი