საქართველოში ჩატარებულ საპარლამენტო არჩევნებზე წერს უცხოური მედია. „როიტერის“ სტატიაში აღნიშნულია, რომ საქართველოში ყველაზე გავლენიანმა ადამიანმა წინასწარი შედეგებით საპარლამენტო არჩევნები მოიგო, თუმცა მის აღიარებაზე ოპოზიციური პარტიის პოლიტიკოსები უარს აცხადებენ.

საქართველოში ჩატარებულ არჩევნებზე წერს ბიბისიც. გავრცელებულ სტატიაში აღნიშნულია, რომ საქართველოს მზარდად ავტორიტატული მმართველი პარტია თავს გამარჯვებულად აცხადებს. ცესკოს შედეგები მკვეთრად განსხვავდება დასავლელი კომპანიების მიერ ჩატარებული ეგზიტპოლებისგან - წერია სტატიაში. ბიბისის სტატიაში აღნიშნულია რომ ბიძინა ივანიშვილის რიტორიკა ანტიდასავლური ხდება, რაც ნიშნავს იმას რომ ქართული ოცნების მე-4 ვადით არჩევამ შესაძლოა ქვეყანა რუსულ ორბიტაზე გაიყვანოს.