საქართველოს ნაკრები იტალიასთან დამარცხდა და ასპარეზობას გამოეთიშა

03 აგვისტო 2024, 13:12 431 ნახვა

საქართველოს ძიუდოისტთა ნაკრები, პარიზის ოლიმპიადაზე, გუნდურ შეჯიბრებაში ასპარეზობას გამოეთიშა. ქართველი სპორტსმნენები მერვედფინალში იტალიასთან 3:4 დამარცხდნენ.

ტატამიზე პირველი ეთერ ლიპარტელიანი გავიდა (57კგ), რომელმაც ოდეტე გიუფრიდა იპონით 19 წამში დაამარცხა – 1:0.

მეექვსე შეხვედრაში ჩვენი გუნდიდან ილია სულამანიძემ (90კგ+) იასპარეზა, მან ჯენარო პირელის იპონით მოუგო, ანგარიში გაათანაბრა (3:3) და გამარჯვებულის გამოსავლენად დამატებითი შეხვედრის ჩატარება გახდა საჭირო.

შემთხვევითობის პრინციპით 73კგ წონითი კატეგორია შეირჩა, სადაც ანგარიშით 3:4 იტალიის სასარგებლოდ საქართველოს ნაკრები დამარცხდა.

ინდივიდუალურ ასპარეზობაში პარიზის ოლიმპიადაზე ქართველი ძიუდოისტების ანგარიშზე სამი მედალია. ოლიმპიური ჩემპიონი ლაშა ბექაური გახდა, ხოლო, ვერცხლის მედლები ილია სულამანიძემ და ტატო გრიგალაშვილმა მოიპოვეს.

აჭარის მაუწყებელი

სოც. ადმინისტრატორი