ბორჯომში საკონსტიტუციო ცვლილებების საყოველთაო-სახალხო განხილვა გაიმართა

12 მაისი 2024, 15:42 354 ნახვა

საყოველთაო-სახალხო განხილვის საორგანიზაციო კომისიამ, რომელსაც პარლამენტის თავმჯდომარე, შალვა პაპუაშვილი ხელმძღვანელობს, ბორჯომში მოსახლეობასთან შეხვედრა გამართა და „საქართველოს კონსტიტუციაში ცვლილების შეტანის შესახებ“ და „ოჯახურ ღირებულებათა და არასრულწლოვანთა დაცვის შესახებ“ საქართველოს კონსტიტუციური კანონპროექტები გააცნო.

მოსახლეობას ანრი ოხანაშვილმა, ირაკლი შატაკიშვილმა და ანტონ ობოლაშვილმა სიტყვით მიმართეს და საკონსტიტუციო ცვლილებების მნიშვნელობაზე ისაუბრეს.

შეხვედრას ესწრებოდნენ პარლამენტის წევრები: გრეტა წიწავა, სუმბატ კიურეღიანი, სამველ მანუკიანი, სამცხე-ჯავახეთის მხარეში სახელმწიფო რწმუნებული, ბესიკ ამირანაშვილი და ბორჯომის მუნიციპალიტეტის მერი, ოთარ არბოლიშვილი.

დღესვე, საყოველთაო-სახალხო განხილვის საორგანიზაციო კომისია მოსახლეობასთან შეხვედრას გორში გამართავს.

აჭარის მაუწყებელი

სოც. ადმინისტრატორი