სოფელ ნერგეეთში ძებნა-შველის ოპერაცია დასრულდა, ყველა გარდაცვლილი იდენტიფიცირებულია - თემურ მღებრიშვილი
08 თებერვალი 2024, 12:03 531 ნახვასაგანგებო სიტუაციების მართვის სამსახურის უფროსის, თემურ მღებრიშვილის განცხადებით, ბაღდადში, სოფელ ნერგეეთში ძებნა-შველის ოპერაცია დასრულდა.
მისივე განმარტებით, ყველა გარდაცვლილი იდენტიფიცირებულია, არიან არასრულწლოვნებიც.
"ამ დროისთვის საგანგებო სიტუაციების მართვის სამსახურის მეხანძრე-მაშველების მიერ ცხრავე გარდაცვლილი ცხედარი ამოსვენებული. ფაქტობრივად დავასრულეთ ძებნა-შველის ღონისძიება და მიმდინარეობს გზის გაწმენდითი სამუშაოების ბოლო ეტაპი ამ დროისთვის. იდენტიფიცირებულია ყველა გარდაცვლილი, ამოცნობილია. სამწუხაროდ, არიან არასრულწლოვნებიც," - განაცხადა თემურ მღებრიშვილმა.
მღებრიშვილის განცხადებით, გზის საბოლოო გაწმენდას გარკვეული დრო დასჭირდება, თუმცა შეფერხებით გადაადგილება შესაძლებელია.
ბაღდათის მუნიციპალიტეტის სოფელ ნერგეეთში, სტიქიის ზონაში მაშველებმა მეცხრე ცხედარი დღეს იპოვეს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა