ჯო ბაიდენი 12 დეკემბერს ვოლოდიმირ ზელენსკის თეთრ სახლში მიიღებს

11 დეკემბერი 2023, 11:18 423 ნახვა

აშშ-ის პრეზიდენტი ჯო ბაიდენი 12 დეკემბერს უკრაინის პრეზიდენტს, ვოლოდიმირ ზელენსკის თეთრ სახლში უმასპინძლებს - ინფორმაციას უცხოური მედია ავრცელებს.

როგორც „სიენენი“ წერს, უკრაინაში ომის დაწყების შემდეგ ეს იქნება უკრაინის პრეზიდენტის მეორე ვიზიტი აშშ-ში. ვოლოდიმირ ზელენსკი ვაშინგტონში პირველად სექტემბერში იმყოფებოდა.

უკრაინის პრეზიდენტის ოფისის ცნობით, ზელენსკი აშშ-ში სამუშაო ვიზიტით 11 დეკემბერს გაემგზავრება.

თეთრი სახლის მიერ  გავრცელებული ინფორმაციით, მხარეები იმსჯელებენ უკრაინის გადაუდებელ საჭიროებებზე,  თეთრ სახლს იმედი აქვს, რომ კონგრესთან უკრაინისა და ისრაელის სამხედრო დახმარებასთან დაკავშირებით  შეთანხმებას მიღწევას შეძლებს.

აჭარის მაუწყებელი
სოც. ადმინისტრატორი

ამავე კატეგორიაში