პროექტი “ერთი დღე ჯარში”

18 ნოემბერი 2023, 14:08 495 ნახვა

პროექტის, „ერთი დღე ჯარში“ ფარგლებში საქართველოს თავდაცვის ძალების მე-4 ქვეით ბრიგადაში მოსწავლეებს უმასპინძლეს. საპილოტე საგნის, „სამხედრო საქმე,“ პროექტში ჩართული სკოლების წარმომადგენლებს ბაზის ინფრასტრუქტურის, ტექნიკისა და შეიარაღების დათვალიერებისა და ჯარისკაცების საცხოვრებელი და სამუშაო პირობების ადგილზე გაცნობის შესაძლებლობა ჰქონდათ.

სამხედრო მოსამსახურეებმა სტუმრებს ქვედანაყოფის ისტორია გააცნეს და ქვეყნის ტერიტორიული მთლიანობისთვის დაღუპული გმირების ისტორიები გაიხსენეს.

საგნის, „სამხედრო საქმე“ სწავლება საქართველოს სკოლებში 2022-2023 სასწავლო წელს საქართველოს პრემიერ-მინისტრის ინიციატივით დაინერგა.

საწყის ეტაპზე საპილოტე პროგრამაში მაღალმთიანი რეგიონების 18 სკოლა ჩაერთო. თავდაცვის სამინისტროს ინფორმაციით, ღონისძიებები ახალგაზრდა თაობაში ჯარის პოპულარიზაციასა და ინსტიტუციის მიმართ ცნობიერების ამაღლებას უწყობს ხელს.

აჭარის საზოგადოებრივი მაუწყებელი

ადმინისტრატორი