საქართველოს თავისუფალი სტილით მოჭიდავეთა ნაკრების შემადგენლობა ცნობილია

15 სექტემბერი 2023, 12:20 622 ნახვა

16 სექტემბრიდან ბელგრადი მსოფლიოს 2023 წლის ჩემპიონატს უმასპინძლებს. ჩემპიონატს თავისუფალი სტილით მოჭიდავეები გახსნიან. ცნობილია საქართველოს თავისუფალი სტილით მოჭიდავეთა ნაკრების საბოლოო შემადგენლობაც.

  • 57 კგ - რობერტ დინგაშვილი;
  • 61 კგ - შოთა ფარტენაძე;
  • 65 კგ - ედემ ბოლქვაძე;
  • 70 კგ - გიორგი ელბაქიძე;
  • 74 კგ - ავთანდილ კენჭაძე;
  • 79 კგ - ვლადიმერ გამყრელიძე;
  • 86 კგ - ტარიელ გაფრინდაშვილი;
  • 92 კგ - მირიან მაისურაძე;
  • 97 კგ - გივი მაჭარაშვილი;
  • 130 კგ - გენო პეტრიაშვილი.

მსოფლიოს ჩემპიონატზე, მედლების გარდა, პარიზის 2024 წლის ოლიმპიური თამაშების ლიცენზიები გათამაშდება, ექვს ოლიმპიურ წონით კატეგორიაში - 57, 65, 74, 86, 97 და 125 + კილოგრამებში.

თითოეულ წონაში, ოლიმპიადის საგზურს ხუთ-ხუთი უძლიერესი მოიპოვებს. მას შემდეგ, რაც მედლები გათამაშდება და ოთხივე მედალოსანი შეასრულებს სალიცენზიო ნორმატივს, რეპეშაჟის ფინალში წაგებული ორი სპორტსმენი ერთმანეთს დაუპირისპირდება, ბოლო - მეხუთე ლიცენზიის მისაღებად.

სერბეთი თავისუფალ და ბერძნულ-რომაული სტილით ჭიდაობაში პლანეტის პირველობას 16-დან 24 სექტემბრის ჩათვლით უმასპინძლებს.

სეო წილოსანი
სპორტული ჟურნალისტი

ამავე კატეგორიაში