საკრებულოს სხდომა ხულოში

31 მაისი 2023, 14:05 835 ნახვა

ხულოს მუნიციპალიტეტის ტერიტორიაზე მდებარე თვითმმართველობის საკუთრებაში რეგისტრირებული რამდენიმე მიწის ნაკვეთი ავტონომიური რესპუბლიკის საკუთრებაში გადაიცა.

საუბარია რამდენიმე სოფელში არასასოფლო სამეურნეო დანიშნულების მიწის ნაკვეთებზე, რომლებსაც შპს ,,აჭარის წყლის ალიანსი“ კომუნალური ინფრასტრუქტურის რეაბილიტაცია - მშენებლობის პროცესში გამოიყენებს.

თვითმმართველობამ აჭარის ეკონომიკის სამინისტროს ასევე საკუთრებაში გადასცა სპორტსკოლისა და ცენტრალური მოედნის ტერიტორიებიც. გადაწყვეტილება საკრებულოს დღევანდელ სხდომაზე მიიღეს.

დღევანდელ სხდომაზე საკრებულოს წევრებმა მხარი დაუჭირეს ბიუჯეტში შესატან ცვლილებებსაც.

ლენა მამულაძე

ჟურნალისტი