ცხოველის მკვლელობაში ბრალდებულს სასამართლომ 3000 ლარიანი ჯარიმა დააკისრა
27 აპრილი 2023, 11:36 820 ნახვაბათუმის საქალაქო სასამართლომ ცხოველის სიცოცხლის მოსპობაში ბრალდებული პირი გაამტყუნა.
მოსამართლემ გაითვალისწინა ბრალდებულის ჯანმრთელობის მძიმე მდგომარეობა და სასჯელის სახედ 3000 ლარიანი ჯარიმა დააკისრა.
თავად ბრალდებული, დღევანდელ პროცესს სწორედ ჯანმრთელობის მდგომარეობის გამო არ ესწრებოდა.
პროკურორის განცხადებით, დღევანდელი გადაწყვეტილება გასაჩივრდება მეტად მკაცრი სასჯელის მოთხოვნით.
გადაწყვეტილების გამოცხადებას სხდომათა დარბაზში, ცხოველთა უფლებადამცველების მხრიდან, ხმაური მოჰყვა, რომლებმაც სხდომის დაწყებამდე სასამართლოსთან აქცია გამართეს.
გამოძიება ირაკლი კეშელავას ცხოველის წამებას და სასტიკ მოპყრობას ედავებოდა, რამაც მისი დაღუპვა გამოიწვია.
23 იანვარს ბათუმის ცენტრალურ პარკში მიუსაფარი ძაღლის მკვლელობის შესახებ პირველად ინფორმაცია ცხოველთა უფლებადამცველებმა გაავრცელეს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა