დამოუკიდებელი იურისტების ჯგუფი მიესალმება ამერიკის სახელმწიფო დეპარტამენტის მიერ  მოსამართლეებისა და მათი ოჯახის წევრების სანქცირებას.

კახა წიქარიშვილის განცხადებით,  სანქცირებული მოსამართლეები, როგორც ნაციონალური მოძრაობის, ასევე ქართული ოცნების მმართველობის პერიოდში სისტემის სათავეში იყვნენ და ორივე პერიოდში მოქმედი ხელისუფლების დავალებებს ასრულებდნენ.

მისივე მტკიცებით, სასამართლო სისტემა დღეს უფრო მეტად თავისუფალია, თუმცა ''ქართული ოცნება'', საკუთარი პოზიციების დასაცავად ისევ ერევა სასამართლოს დამოუკიდებელ ცხოვრებაში.

ხელისუფლების დაკვეთების შემსრულებელი მოსამართლეების პარალელურად არსებობენ კეთილსინდისიერი მოსამართლეებიც - აცხადებს ,,დამოუკიდებელი იურისტების“  ჯგუფის წევრი და ამიტომაც, მას აქვს პრეტენზია, რომ არსებობდეს წყალგამყოფი მოსამართლეებს შორის.

ჯგუფმა უკვე მიმართა პარლამენტს სასამართლოში არსებულ შესაძლო  კორუფციის შესასწავლად და ამისთვის  შეიქმნას საგამოძიებო კომისია საკანონმდებლო ორგანოში.