სანდრო მამუკელაშვილი სან ანტონიო სფურსის წევრია
04 მარტი 2023, 11:46 767 ნახვა
სანდრო მამუკელაშვილი კარიერას სან ანტონიო სფურსში გააგრძელებს. მას შემდეგ, რაც 23 წლის ქართველზე მილუოკი ბაქსმა უარი თქვა და ის გუნდიდან გაუშვა, სანდრომ 2 დღეში ახალი გუნდის მაისური მოირგო.
დასავლეთ კონფერენციის ტეხასურმა წარმომადგენელმა და 23 წლის ქართველი გუნდში ისე აიყვანა, კონტრაქტის დეტალები არ გაახმაურა. ნბა-ს 5-გზის ჩემპიონი წლეულს მოკრძალებულად ასპარეზობს.
ლეგენდარული მწვრთნელის, გრეგ პოპოვიჩის ხელმძღვანელობით სფურსს წლევანდელ რეგულარულ ჩემპიონატში 16 გამარჯვება და 47 მარცხი აქვს და ბოლოსწინა, მე-14 ადგილზე იმყოფება.
ტეხასელები პლეი ოფში ვეღარ მოხვდებიან და რეგულარულში დარჩენილი 19 მატჩის შემდეგ სეზონს დაასრულებენ.
მამუკელაშვილი სან ანტონიოშიც 54-ნომრიანი მაისურით ითამაშებს. სფურსი 5 მარტს ჰიუსტონს უმასპინძლებს და ქართველის დებიუტიც შესაძლოა ტეხასურ დერბიში ვიხილოთ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა