სამზადისი კონცერტისთვის

13 იანვარი 2023, 11:21 655 ნახვა

საახალწლო ღონისძიებები ქვეყნის მასშტაბით გრძელდება. ამჯერად კონცერტისთვის ხელვაჩაური ემზადება. მერიის ადმინისტრაციული შენობის მიმდებარე ტერიტორიაზე მთავარ ნაძვის ხესთან მოეწყობა საშობაო სოფელი, კვების ობიექტები საბავშვო გასართობი სივრცეები.

ადგილობრივი მეწარმეები ხელნაკეთი ნივთების გამოფენა-გაყიდვსაც შეძლებენ. დღის განმავლობაში ადგილობრივი ანსამბლები და ინდივიდუალური შემსრულებლები იზრუნებენ სადღესასწაულო განწყობის შექმნაზე როგორც ადგილობრივებისთვის, ისე სტუმრებისთვის. ღონისძიება 3 საათზე დაიწყება და საღამოს 20 საათზე გიორგი ცხადაძის ბენდი და ნუცა თოფურიას კონცერტით დასრულდება.

იქნება გრანდიოზული ფოიერვერკი. ახალი წლის დღეები საქართველოს ცალკეულ მუნიციპალიტეტში კონცერტებით პრემიერ -მინისტრის ინიციატივით აღინიშნება.

ლოლა ტუმასიანი

ჟურნალისტი