თბილისის პოლიციის დეპარტამენტის დეტექტივების სამსახურის ხელმძღვანელის მკვლელობის საქმეზე გამოძიება სპეციალურმა საგამოძიებო სამსახურმა  ორი -  განზრახ მკვლელობის, ასევე  ცეცხლსასროლი იარაღის,   საბრძოლო და ფეთქებადი  მასალის და  შენახვა -შეძენისა და მათი ტარების მუხლებით დაიწყო.  დანაშაულში მხილებული დაკავებულია და მას სავარაუდოდ ბრალს დღესვე წარუდგენენ. 

არსებული ინფორმაცით,  გარდაცვლილი და დაკავებული მეგობრები იყვნენ. მკვლელობას წინ უძღოდა შელაპარაკება და არსებული ინფორმაციით, დაკავებული ნასვამ მდგომარეობაში იყო.  

გამოძიების ვერსიით   8 იანვარს, დაახლოებით  ღამის 01:00 საათზე,  ისინი იმყოფებოდნენ სტუმრად, სადაც არაფხიზელ მდგომარეობაში მყოფი  ბრალდებული იქცეოდა არაადეკვატურად, საუბრობდა გაუცნობიერებლად და სტუმრების მიმართ  იყო  აგრესიული, რა დროსაც მან  მის ხელთ არსებული ცეცხლსასროლი იარაღიდან  რამდენიმე გასროლა განახორციელა. მიყენებული დაზიანებების შედეგად პოლიციელი  ალექსანდრე შეყელაძე  ადგილზე გარდაიცვალა.