ნიკოლოზ ბასილაშვილი 2023 წლის ავსტრალიის ღია პირველობაზე ითამაშებს

06 დეკემბერი 2022, 20:08 573 ნახვა

საქართველოს ნომერ პირველი ჩოგბურთელი ნიკოლოზ ბასილაშვილი 2023 წლის ავსტრალიის ღია პირველობაზე ითამაშებს. ეს მას შემდეგ გახდა ცნობილი რაც Australian Open-მა დღეს გამოაქვეყნა ძირითადი ბადის 104-კაციანი სია, რომელშიც ბასილაშვილიც იმყოფება.

2023 წლის სეზონის პირველ სლემზე 8 მოთამაშე “უაილდ ქარდს” მიიღებს, 16 ჩოგბურთელი კი ძირითად ბადეს კვალიფიკაციიდან შეუერთდება და საბოლოოდ ტურნირზე 128 ჩოგბურთელს ვიხილავთ.

შეგახსენებთ რომ გასულ წელს Australian Open -ზე ნიკოლოზი პირველივე წრეში ბრიტანელ ენდი მარისთან – 5 სეტიან მარათონში 1:6, 6:3, 4:6, 7:6 4:6 დამარცხდა და შეჯიბრს გამოეთიშა. 2023 წლის ავსტრალიის ღია პირველობა 17 იანვარს აიღებს სტარტს და ორი კვირის განმავლობაში გაგრძელდება.

 

 

ზურა დიასამიძე
სპორტული ჟურნალისტი

ამავე კატეგორიაში