ნატო - სამხედრო კომიტეტის შეხვედრა ბრიუსელში

18 იანვარი 2017, 00:00 1988 ნახვა

დღეს ნატოს შტაბ-ბინაში საქართველოდან და უკრაინიდან პარტნიორებთან შეხვედრები გაიმართება. ნატო-საქართველოს შეხვედრაზე განიხილება თავდაცვითი რეფორმის მიმდინარეობა და მიღწევები და ნატო-საქართველოს არსებითი პაკეტის იმპლემენტაცია. ,,ნატო მიესალმება საქართველოს პროგრესს" - ამის შესახებ იენს სტოლტენბერგმა გუშინ ევროპული და ევრო-ატლანტიკური ინტეგრაციის საკითხებში საქართველოს სახელმწიფო მინისტრსა და მინისტრის მოადგილესთან მოლაპარაკებებისას განაცხადა. სტოლტენბერგმა საქართველოში გატარებული რეფორმები, ავღანეთის მისიაში მხარდაჭერა და ნატო-საქართველოს არსებითი პაკეტის იმპლემენტაცია შეაფასა. ბრიუსელში ნატოს შტაბ-ბინაში ალიანსის სამხედრო კომიტეტის შეხვედრა ტარდება. ნატოს წევრი ქვეყნების თავდაცვის მინისტრები ნატოს სარდლობის სტრუქტურის ფუნქციონალურ შეფასებას, ალიანსის გაძლიერებული თავდაცვისა და შეკავების პოლიტიკასა და სტაბილურობის ინიციატივის განხორციელებას, ასევე რუსეთის საკითხს განიხილავენ.