ყოველ სამშაბათს „კონტაქტი“ ჯანდაცვის სფეროს ეთმობა. რა გამოწვევების წინაშეა რეგიონის ჯანდაცვის სისტემა, რა სიახლეებია ჯანდაცვისა და სოციალურ პროგრამებში -ამ და სხვა საკითხებზე დღევანდელი, 8 იანვრის გადაცემის სტუმარი იყო აჭარის ჯანმრთელობისა და სოციალური დაცვის მინისტრი ზაალ მიქელაძე. #კონტაქტი#ვმუშაობთსაზოგადოებისთვის

გასული წლის ყოველ პარასკევს „კონტაქტში“ ტურიზმზე ვსაუბრობდით . კომპეტენტურ სტუმრებთან ერთად განვიხილავდით სიახლეებს, გამოწვევებს, ხარვეზებს და მათი აღმოფხვრის გზებს. ტრადიცია მიმდინარე წელსაც გაგრძელდება . დღევანდელი, 4 იანვრის გადაცემის სტუმარი იყო აჭარის ტურიზმისა და კურორტების დეპარტამენტის თავმჯდომარე სულხან ღლონტი.

დღევანდელი ,27 დეკემბრის გადაცემის თემა იყო ბათუმის მერის სამოქალაქო მრჩეველთა საბჭოს საქმიანობა და მომავალი წლის გამოწვევები. „კონტაქტის“ სტუდიაში იყვნენ ბათუმის მერის სამოქალაქო მრჩეველთა საბჭოს თავმჯდომარე, საერთაშორისო ორგანიზაცია ‘’სენი“-ს აჭარის რეგიონის კოორდინატორი, ეკოლოგიის ექსპერტი კახაბერ გუჩმანიძე და სამოქალაქო მრჩეველთა საბჭოს თავმჯდომარის მოადგილე, აჭარის სავაჭრო-სამრეწველო პალატის თავმჯდომარის მოადგილე, ლოჯისტიკის ასოციაციის თავმჯდომარე, ისო-სერთიფიცირების საერთაშორისო ექსპერტი, ,ევროკავშირ-საქართველოს ბიზნეს საბჭოს წარმომადგენელი აჭარის რეგიონში თამაზ თურმანიძე.

ყოველ ოთხშაბათს გადაცემაში იმ თემებზე ვსაუბრობთ, რომელიც სოფლის მეურნეობისა და სოფლის განვითარების საკითხებზეა ორიენტირებული. საქართველოსა და ევროკავშირს შორის არსებული ასოცირების ხელშეკრულების თანახმად საქართველომ აიღო ვალდებულება ხელი შეუწყოს სოფლის მეურნეობის და სოფლის განვითარებას ,ევროკავშირის რეგულაციებისა და საერთაშორისო გამოცდილების გათვალისწინებით. აღნიშნული ვალდებულების შესრულებაში მთავარი დონორი ევროკავშირია, ხოლო ინსტრუმენტი სოფლისა და სოფლის მეურნეობის განვითარების ევროპის სამეზობლო პროგრამა -ენპარდი, რომლის მესამე ფაზა იწყება. 'კონტაქტის' სტუდიის სტუმარი იყო ენპარდ-პროექტის აჭარის კომპონენტის კოორდინატორი ვახტანგ კონცელიძე.

დღევანდელი, 24 დეკემბრის გადაცემის თემა იყო: ,,აჭარის შემოქმედებითი ინკუბატორი’’--- საკუთარი იდეების ბიზნეს პროექტებად გარდაქმნის შესაძლებლობა. "კონტაქტის" სტუდიის სტუმრები იყვნენ აჭარის განათლების კულტურისა და სპორტის მინისტრის მოადგილე თეონა ბერიძე და შემოქმედებითი ინკუბატორის პროექტის ფარგლებში გამოცხადებული იდეების კონკურსის გამარჯვებულები ანა ოქროპირიძე და ბერდია აბულაძე.

გადაცემის პირველი ნაწილი დაეთმო ღონისძიებას „ბათუმური ეზო“ ,რომელიც აჭარის კულტურული მემკვიდრეობის დაცვის სააგენტოს ორგანიზებითა და აჭარის განათლების , კულტურისა და სპორტის სამინისტროს მხარდაჭერით იმართება. სტუდიის სტუმარი- აჭარის კულტურული მემკვიდრეობის დაცვის სააგენტოს წარმომადგენელი სოფო ჭანიშვილი . სატელეფონო ჩართვა - ბათუმური ეზოს რეჟისორო ოთარ ქათამაძე. „კონტაქტის“ მეორე ნაწილი დაეტმო კი სახალხო დღესასწაულს „შემოდგომა ქედაში „ რომელიც 30 სექტემბერს გაიმართება. სატელეფონო ჩართვა-ქედის მუნიციპალიტეტის განათლების , კულტურის , სპორტის ტურიზმის, ახალგაზრდულ საკითხთა და ძეგლთა დაცვის სამსახურის უფროსი ეკატერინე ქაჯაია

#კონტაქტი დღევანდელი, 27 სექტემბრის გადაცემაში ვისაუბრეთ პროექტზე,, რომლის მიზანი ქალაქის ურბანული განვითარების მხარდაჭერაა. პროექტს „აღმოსავლეთ-დასავლეთის მართვის ინსტიტუტის“ ხელშეწყობით არასამთავრობო ორგანიზაცია „ბათომი". ახორციელებს. "ბათომი" ქალაქმშენებლობისა და კულტურული მემკვიდრეობის საკითხებზე დიდი ხანია მუშაობს. ჩვენი სტუდიის სტუმრები იყვნენ არასამთავრობო ორგანიზაცია „ბათომის“ დამფუძნებლები გიორგი რამიშვილი და შოთა გუჯაბიძე.

გადაცემის თემა : აგროტურები და მოსალოდნელი შედეგები რა გამოცდილებას იძლევა აგროტურები, რამდენად ხდება პრაქტიკაში მათი გამოყენება, ურთიერთთანამშრომლობის რა პერსპექტივები ისახება, -ამ და სხვა საკითხებზე სასაუბროდ ჩვენი სტუდიის სტუმრები იყვნენ აიპ აგროსერვის ცენტრის აგრონომი ლაშა მელაძე, ფერმერები ნინო გაბრიაძე , ვაჟა ლაზიშვილი და აგროსერვის ცენტრის სტაჟიორი, საქართველოს საპატრიარქოს წმიდა ტბელ აბუსერისძის სასწავლო უნივერსიტეტის აგროტექნოლოგიის სპეციალობის მაგისტრანტი სალომე ბერძენიშვილი.

„თემზე დაფუძნებული მობილური გუნდის მომსახურება მძიმე ფსიქიკური აშლილობის მქონე პირებისთვის “, ქვეპროგრამა ბათუმში რამდენიმე თვის წინ ამოქმედდა., აჭარის დანარჩენ მუნიციპალიტეტებში კი გასული წლის შემოდგომიდან ხორციელდება. სტუმრები :ბათუმის მერიის ჯანმრთელობისა და სოციალური დაცვის პოლიტიკის განყოფილების უფროსი მარინა რუხაძე, ბათუმის სამედიცინო ცენტრის დირექტორი ეკა ზოიძე და ფსიქოლოგი ქეთი დიასამიძე .

გადაცემის პირველი ნაწილის სტუმარი იყო ეთნომუსიკოლოგი ლოლა სურმანიძე, რომელიც რამდენიმე დღის წინ აჭარის ხალხური ხელოვნების სკოლის დირექტორად დაინიშნა. გადაცემის მეორე ნაწილში ედიშერ ლომაძის სიმღერის „სიჭაბუკე მესიზმრება“ ახალი ვერსიის პრემიერა შედგა. "კონტაქტის" სტუდიის სტუმრები იყვნენ კომპოზიტორი და პროდიუსერი ედიშერ ლომაძე და მომღერალი გრიგოლ ტვილდიანი. #

რეგიონში მცხოვრები ეროვნული უმცირესობების კულტურული თავისებურებების წარმოჩენა - პოპულარიზაციას და თანამედროვე სოციუმში სხვადასხვა ეთნიკური და რელიგიური ჯგუფების უფრო მეტ ინტეგრაციას ისახავს მიზნად პროექტი „მულტიკულტურული ინტეგრაცია აჭარაში“ , რომელსაც არასამთავრობო ორგანიზაცია „თავისუფალ ჟურნალისტთა სახლი“ ფონდ „ღია საზოგადოება საქართველოს“ ფინანსური მხარდაჭერით ახორციელებს. დღევანდელ გადაცემაში ამ პროექტის მნიშვნელობაზე და მოსალოდნელ შედეგებზე ვისაუბრეთ . ჩვენი სტუდიის სტუმრები იყვნენ პროექტის დირექტორი ქეთი ადეიშვილი, არასამთავრობო ორგანიზაციის „თავისუფალ ჟურნალისტთა სახლი“ თავმჯდომარე ასლან ჭანიძე და ბათუმში სომხური სათვისტომოს პრესმდივანი არტურ ოგანესიანი.

ყოველ ოთხშაბათს 'კონტაქტი' სოფლის მეურნეობის სხვადასხვა მიმართულებას ეთმობა. დღევანდელი გადაცემის თემა იყო აზიური ფაროსანა, რომელმაც მსოფლიოს ბევრი ქვეყნის სოფლის მეურნეობას მნიშვნელოვანი ზარალი მიაყენა და სწორედ მსოფლიო პრაქტიკამ ცხადყო , რომ მავნებლის სრული მოსპობა შეუძლებელია, თუმცა შესაძლებელია მისი კონტროლი და მართვა. გადაცემის სტუმარი იყო აჭარის სოფლის მეურნეობის მინისტრის პირველი მოადგილე მამუკა თურმანიძე . ტელეფონით პირდაპირ ეთერში ჩაგვერთო აზიურ ფაროსანასთან ბრძოლის საკოორდინაციო შტაბის ხელმძღვანელი გიორგი მახარაძე და გელა ბერიძე- დაბა ჩაქვის მკვიდრი

ყოველ სამშაბათს "კონტაქტი'" ჯანდაცვის სფეროს ეთმობა. დღევანდელი გადაცემის პირველ ნაწილში არტერიულ ჰიპერტენზიაზე ვისაუბრეთ . თანამედროვე მსოფლიოში ძალიან ბევრი ადამიანია, ვისი არტერიული წნევა ნორმას სცილდება, მაგრამ ამის შესახებ არ იცის რას აჩვენებს კვლევები, რა უნდა ვიცოდეთ არტერიულ ჰიპერტენზიაზე -ამ თემაზე ჩვენი სტუდიის სტუმარი იყო საქართველოს ჰიპერტენზიის შემსწავლელი საზოგადოების კვლევების ჯგუფის ხელმძღვანელი დალი ტრაპაიძე. დღევანდელი გადაცემის მეორე ნაწილი დავუთმეთ თემას , რომელიც დღეს საკმაოდ აქტუალურია და იგი მსოფლიოსთვის სერიოზულ პრობლემას წარმოადგენს - ეს არის სისხლში ტყვიის შემცველობა. 20 სექტემბრიდან გაეროს ბავშვთა ფონდი დაავადებათა კონტროლის ცენტრთან და საქსტატთან ერთად ქვეყნის მასშტაბით კვლევას იწყებს. როგორ წარიმართება ეს პროცესი აჭარაში -ამ თემაზე სასაუბროდ ტელეფონით პირდაპირ ეთერში გვერთვებოდა დაავადებათა კონტროლისა და საზოგადოებრივი ჯანმრთელობის ეროვნული ცენტრის აჭარის სამმართველოს უფროსი ნინო გუგუშვილი.

ბათუმის ხელოვნების სასწავლო უნივერსიტეტი საქართველოში ერთადერთი საგანმანათლებლო დაწესებულებაა, სადაც ერთდროულად ხორციელდება სწავლება თეატრის, კინოს, მუსიკისა და სახვითი ხელოვნების მიმართულებით. ისიც უნდა აღინიშნოს , რომ ერთიან ეროვნულ გამოცდებზე აბიტურიენტების გარკვეულმა ნაწილმა საბაკალავრო პროგრამებზე პირველი არჩევანი სწორედ ბათუმის ხელოვნების სასწავლო უნივერსიტეტზე გააკეთა და იგი საქართველოში ყველაზე მოთხოვნადი უმაღლესი სასწავლებლების პირველ ათეულში აღმოჩდა. არის თუ არა სიახლეები სასწავლო პროცესის დაგეგმვაში, რა ეტაპზეა მატერიალურ-ტექნიკური ბაზის სრულყოფის საკითხი, ხომ არ საჭიროებს გადახედვას აკადემიური პერსონალის პროფესიულ გადამზადებასთან დაკავშირებული თემები , როგორია სამეცნიერო- კვლევით საქმიანობაში ჩართულობის მაჩვენებელი, რას აჩვენებს კურსდამთავრებულთა დასაქმების კვლევა- -ამ და სხვა საკითხებზე დღევანდელ გადაცემაში ვისაუბრეთ. ჩვენი სტუდიის სტუმრები იყვნენ ბათუმის ხელოვნების სახელმწიფო სასწავლო უნივერსიტეტის რექტორი ერმილე მესხია და სამეცნიერო პროექტების მართვის კოორდინატორი სოფიო თავაძე.

წინაპრების მიერ შექმნილ ფასეულობებს ყველა დროში დაცვა , პოპულარიზაცია და განვითარება სჭირდება. სწორედ ამას ითვალისწინებს პროგრამა , რომლის განხორციელება 2019 წელსაა დაგეგმილი და რომლის საჯარო განხილვა გუშინ აჭარის კულტურული მემკვიდრეობის დაცვის სააგენტომ გამართა. რა ფორმით გაგრძელდება აჭარაში დაცული კულტურული მემკვიდრეობის უძრავი ძეგლების რეაბილიტაცია-კონსერვაციის პროცესი , მუზეუმ ნაკრძალების ინფრასტრუქტურაში არის თუ არა ცვლილებები მოსალოდნელი, რამდენად მოხერხდება არქეოლოგიური კვლევა-ძიების გაფართოება , პოპულარიზაციისთვის რა დამატებითი მექანიზმებია ასამოქმედებელი --- ამ და სხვა საკითხებზე სასაუბროდ დღევანდელი გადაცემის სტუმრები იყვნენ აჭარის კულტურული მემკვიდრეობის დაცვის სააგენტოს ადმინისტრაციული განყოფილების უფროსი გოჩა კახიძე და ხელოვნებათმცოდნე სოფიო ჭანიშვილი.

საქართველოს ორგანული კანონის „ადგილობრივი თვითმმართველობის კოდექსი“-ს შესაბამისად ბათუმის მერის სათათბირო ორგანო - სამოქალაქო მრჩეველთა ახალი საბჭო შეიქმნა . საბჭოს შემადგენლობაში 11 წევრია . 10 სექტემბერს სამოქალაქო მრჩეველთა საბჭოს წევრებმა თავმჯდომარედ კახა გუჩმანიძე აირჩიეს,რომელიც პროექტის - ნარჩენების მართვის ტექნოლოგიები რეგიონში - კოორდინატორია აჭარაში; რა უფლებებითაა აღჭურვილი ბათუმის მერის სათათბირო ორგანო და როგორ აპირებს სამოქალაქო მრჩეველთა საბჭო მუშაობას -ამ თემაზე გადაცემის სტუმარი იყო სამოქალაქო მრჩეველთა საბჭოს თავმჯდომარე კახა გუჩმანიძე