აჭარის უმაღლესი საჭოს არჩევნებში მონაწილე რამდენიმე პოლიტიკური სუბიექტის პარტიულ სიის პირველ ათეული

აღწერა

30 სექტემბერი 2024, 15:28 458 ნახვა

მირდატ ქამადაძე - კოალიცია ''ცვლილებისთვის''

მიშა ბოლქვაძე - ერთიანობა – ნაციონალურმა მოძრაობა“

ვაჟა დარჩია -"ძლიერი საქართველო"

ტიტე აროშიძე - ''ქართული ოცნება''

კომპეტენტური პასუხი

დღეიდან აჭარის რადიოს საზოგადოებრივ-პოლიტიკური გადაცემა „კომპეტენტური პასუხი“ საარჩევნო რეჟიმში იწყებს მუშაობას. საეთერო დრო წილისყრით გამოვლენილ პოლიტიკურ სუბიექტებს დაეთმობა. მსმენელი როგორც საინიციატივო ჯგუფის მიერ წარდგენილ, ისე მერობისა და სიის პირველ ნომრად დასახელებულ კანდიდატებს მოუსმენენ. დღეს კი საარჩევნო პროგრამას ამომრჩეველს „ქართული ოცნება-დემოკრატიული საქართელოსა“ და „შენების მოძრაობის“ წარმომადგენლები გააცნობენ. „კომპეტენტური პასუხი“ ყოველ სამუშაო დღეს, საღამოს შვიდის ნახევარზე დაიწყება.

გონიოს მიწებთან დაკავშირებული დავა გრძელდება. სასამართლო გადაწყვეტილების აღსრულების მოთხოვნით დღეს გონიოს მიწებზე პრეტენზიის მქონე პირებმა მერიასთან მორიგი აქცია გამართეს. რას ითხოვდნენ ისინი და რას დაპირდნენ აქციის მონაწილეებს ბათუმის მუნიციპალიტეტის წარმომადგენლები?-დღეს „კომპეტენტურ პასუხში შეიტყობთ. ჩგადაცემის სტუმარი დღევანდელი საპროტესტო აქციის მონაწილე, გონიოს მიწის ყოფილი მესაკუთრე ენვერ ირემაძე იქნება. პირდაპირ ეთერში ბათუმის საერთაშორიოს გამჭვირვალობა საქართველოს იურისტი ანა ბერძენიშვილი ჩაერთვება.მოისმენთ მერიის მასმედიასთან და საზოგადოებასთან ურთიერთობის განყოფილების უფროსის თეკლა ჩიჩუას კომენტარს.

ნებართვის გაცემიდან ორი კვირის შემდეგ მონახულებული მსჯავრდებულები. აჭარის უმაღლესი საბჭოს ადამიანის უფლებათა დაცვის კომისიის ხელმძღვანელი ცოტნე ანანიძე პატიმრებს შეხვდა. რა უთხრეს დეპუტატს პენიტენციალურ დაწესებულებაში და რეაგირებისათის რა ბერკეტების გამოიყენება შეუძლია უმაღლესი საბჭოს წევრს?-დღეს „კომპეტენტურ პასუხში“ მოისმენთ. გადაცემის სტუმარი აჭარის უმარლესი საბჭოს ადამიანის უფლებათა დაცვის კომისიის ხელმძღვანელი ცოტნე ანანიძე იქნებ.

კიდევ ერთ კანონ- პროექტი ვეტოს მოლოდინში. შესაძლოა საქართველოს პრეზიდენტმა მესამე სექტორის წარმომადგენელთა მიმართვა გაითვალისწინოს და საქართველოს ადგილობრივ თვითმართველობის კოდექსში შესატანი ცვლილებების კანონ-პროექტს ვეტო დაადოს. რა შენიშვნები აქვთ კანონმდებლების გადაწყვეტილებასთან დაკავშირებით არსამთავრობო ორგანიზაციის წევრებს და როგორია პრეზიდენტის პოზიცია?- დღეს „კომპეტენტურ პასუხში მოისმენთ. გადაცემის სტუმარი ახალგაზრდა იურისტთა ასოციაციის აჭარის ორგანიზაციის ხელმძღვანელი გიორგი ხიმშიაშვილი იქნება. პირდაპირ ეთერში პრეზიდენტის საპრალემტო მდივანი ანა დოლიძე ჩაერთვება. „კომპეტენტური პასუხი ფმ 104.5. 18.30 წუთზე დაიწყება. ასევე ჩაერთვება ექსპერტი თვითმართველობის საკითხებში კოკა კიღურაძე.

განადგურებული მოსავალი და მოსახლეობას შესეული აზიური ბაღლინჯო- ეს ერთი წლის წინანდელი რეალობაა. რეგიონში მცხოვრებ ფერმერების ნაწილს მოსავალი მავნებელმა გაუნადგურა და მათი საცხოვერებელი ფართებიც დაიკავა. აზიური ფაროსანა სასოფლო-სამეურნეო ნარგავებს ისევ უტევს. როგორ ებრძვის სახელმწიფო მავნებელს, რამდენს ხარჯავს ამისთვის და რა რეკომენდაციები უნდა გაითვალისწინონ ფერმერებმა?-დღეს „კომპეტენტურ პასუხში“ მოისმენთ. გადაცემის სტუმარი აჭარის სოფლის მეურნეობის სამინსტროს აგრარული განვითარების დეპარტამნეტის უფროსი მამუკა თურმანიძე იქნება. გადაცემა „ფმ104.5-ზე 18.30 წთ-ზე დაიწყება.

დროებით დახურული კვების სამი ობიექტი და რამდენიმე ჯარიმა. ასეთია სურსათის ეროვნული სააგენტოს წარმომადგენელთა დღევანდელი რეიდის შედეგი. ვინ აგებს პასუხს მომხმარებელთა უსაფრთხოებაზე, წესების დამრღვევთა წინააღმდეგ რა სანქციები მოქმედებს, რა პერიოდულობით მოწმდება კვების ობიექტები და ზაფხულის სეზონზე რას უნდა მიაქცისოს განსაკუთრებული ყურადღება მომხმარებელმა ? -ამ და სხვა შეკითხვებს დღეს სურსათის ეროვნული სააგენტოს აჭარის რეგიონული სამმართველოს ინსპექტორი ბიძინა ჯიბლაძე უპასუხებს. პირდაპირ ეთერში საქართველოს მომხმარებელთა ფედერაციის თავმჯდომარე მადონა კოიძე ჩაერთვება. „კომპეტენტური პასუხი ფმ 104.5-ზე 18.30 წთ-ზე დაიწყება.

თხილვანელი ეკომიგრანტებისთვის კომპენსაციის გაცემა დღეიდან დაიწყო. რამდენმა ოჯახმა მიიღო სახელმწიფოსგან 25 ათასი ლარი და რა ვალდებულებებს დათანხმდნენ ადგილობრივები სახელმწიფო პროგრამაში მონაწილეობით, ორმხრივი ხელშეკრულების დეტალებს აჭარის ჯანმრთელობისა და სოციალური დაცვის სამინისტროს სტიქიით დაზარალებულთა საქმეების დეპარტამენტის უფროსის დალი ქიქავასგან შეიტყობთ. პირდაპირ ეთერში ხულოს მუნიციპალიტეტის გამგებელი ბესიკ ბაუჩაძე ჩაერთვება.

რატომ დატოვა დღეს ქობულეთის საკრებულოს სხდომა ოპოზიციონერმა დეპუტატმა, რა შენიშვნები აქვს ლევან ხინიკაძეს ტურისტული სეზონის მზადებასთან დაკავშირებით, როდის გაიხსნება ქობულეთში სეზონი ოფიციალურად და საამისოდ რა თანხა დაიხარჯება მუნიციპალიტეტის ბიუჯეტიდან?- ამ და სხვა შეკითხვებს დღეს „კომპეტენტურ პასუხში“ ქობულეთის გამგებელი სულხან ევგენიძე უპასუხებს. პირდაპირ ეთერში ქობულეთის საკრებულოს რესპუბლიკელი წევრი ლევან ხინიკაძე ჩაერთვება.

დროებითი ერთიანობა, პარტიული სისუსტე თუ საარჩევნო სტრატეგია?- რა გახდა რესპუბლიკელებისა და თავისუფალი დემოკრატების გაერთიანების მიზეზი, როგორ აფასებენ ერთ ბლოკში შეკრებილი პარტიის წევრები საკონსტიტუციო ცვლილებებს და როგორია მათი სამომავლო გეგმები ?- ამ და სხვა შეკითხვებზე პასუხს „კომპეტენტურ პასუხში“ მოისმენთ. გადაცემის სტუმრები იქნებიან რესპუბლიკური პარტიის აჭარის ორგანიზაციის თავმჯდომარის მოვალეობის შენსრულებელი თემურ ყურაშვილი და „თავისუფალი დემოკრატების“ ქობულეთის რაონული ორგანიზაციის ხელმძღვანელი სალომე ზაქარიაძე.

აზერბაიჯანელი ჟურნალისტი აფგან მუხთარლის საქმე და ხელისუფლების ვერსიები. რატომ თვლის საქართველოს პრეზეიდენტი, რომ ჟურნალისტზე და გენერალურ აუდიტორზე თავდასხმის ფაქტები სახელმწიფოს იმიჯს სერიოზულად აზიანებს. ქართული ძალოვანების დისკრედიტაციის მცდელობა თუ უსაფრთხოების სისტემის პრობლემები?- დღეს კომპეტენტურ პასუხში“ -ამ და სხვა შეკითხვებს პოლიტოლოგი ასლან ლორთქიფანიძე, საერთაშორისო სამართლის სპეცილისტი ბათუმის შოთა რუსთაველის სახელმწიფო უნივერისტეტის ასისტენტ პროფესორი ლევან ჯაყელი და „საერთაშორისო გამჭვირვალობა საქართველოს“ წარმომადგენელი მალხაზ ჭკადუა უპასუხებენ.

გადათხრილი გზები და გადაადგილების პრობლემა. როგორ ხვდება ბათუმში ჭაობის დასახლება ტურისტულ სეზონს და შექმნილი დისკომფორტი რამდენად აისახება ადგილობრივების შემოსავლებზე. ქალაქის ამ ნაწილში, როდის გამოიცვლება შიდა საკომუნიკაციო ქსელი და რა თანხა დაიხარჯება ამისთვის მუნიციპალიტეტის ბიუჯეტიდან? -ამ და სხვა შეკითხვებს დღეს „კომპეტენტურ პაუხში ბათუმის მერის მრჩეველი მუნიციპალური ინფრასტრუქტურის რეაბილიტაციის პროექტის საკითხებში ჯაბა ტუღუში უპასუხებს.

საფინანსო ორგანიზაციების წარმომადგენლები მევალეებს ვეღარ დაემუქრებიან. ფინანსური ინსტიტუტი ვალდებული იქნება მომხმარებელთან ურთიერთობაში ეთიკის კოდექსით იხელმძღვანელოს. ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესი პირველი ივნისიდან შევა ძალაში- რას ითვალისწინებს ახალი რეგულაცია და რა კეთდება ქვეყანაში მოსახლეობის ჭარვალიანობის პრობლემის დასაძლევად?- თემაზე აჭარის რადიოს პირდაპირ ეთერში ბათუმის შოთა რუსთაველის სახელმწიფო უნივერსიტეტის სრული პროფესორი, ეკონომიკის დოქტორი ვაჟა ვერულიძე ისაუბრებს.

„საზოგადოების აქტივობის შედეგი თუ ქალაქის განაშენიანების ახალი სტრატეგია“ -მერია ბათუმის კვარტალური განვითარების გეგმას ადგენს. რომელი ტერიტორიები მოექცა პირველ ოთხეულში და რას ითვალისწინებს ახალი პოლიტიკა“- დღეს „კომპეტენტურ პასუხში“ მოისმენთ. გადაცემის სტუმარი ბათუმის მუნიციპალიტეტის მერიის არქიტექტურისა და ურბანული დაგეგმარების სამსახურის უფროსი ირაკლი ახალაძე ისაუბრებს.

ეროვნულ დემოკრატიული ინსტიტუტი საქართველოში ჩატარებული კვლევების პოლიტიკურ ნაწილს აქვეყნებს. გამოკითხული მოსახლეობის უმრავლესობა, პრეზიდენტის პირდაპირი წესით არჩევის მომხრეა, კითხვაზე: რომელი პარტია დგას თქვენს შეხედულებებთან ყველაზე ახლოს, კატეგორია „არც ერთი“ ყველაზე მეტმა, 38%-მა გამოკითხულმა აირჩია. როგორ აფასებენ პოლიტიკოსები ენდიაის კვლევის შედეგებს? დღეს კომპეტენტურ პასუხში“ გაიგებთ. სტუდიაში დასმულ სეკითხვებს აჭარის უმაღლესი საბჭოს დეპუტატები ქართული ოცნებიდან და ერთიანი ნაციონალური მოძრაობიდან დავით ბაციკაძე და გია აბულაძე უპასუხებენ. პირდაპირ ეთერში ევროპული საქართველოს აჭარის ორგანიზაციის ხელმძღვანელი რაულ თავართქილაძე ირაუბრებს.

ორ მილიონ ექვსასი ათასზე მეტი ლარი ლოჯისტიკური ცენტების შესაქმნელად. როდის ისარგებლებენ სოფლის მეურნეობის სამინისტროს მიერ დაანონსებული პროგრამით ფერმერები და რა იქნება მისი ძირითადი ფუნქცია, რა კეთდება რეგიონში ადგილობრივი კულტურების მოსავლიანობის გასაზრდელად და ახდენს თუ არა გაველნას მოსავალის რაოდენობაზე აზიური ფაროსანა?-ამ და სხვა საკითხებზე ვისაუბრებთ დღეს გადაცემა „კომპეტენტურ პასუხში“. ჩვენი სტუმარი გახლავთ აჭარის სოფლის სამინისტროს აიპ აგრპო პროექტების მართვის ცენტრის დირექტორი ჯამბულ აბულაძე. პირდაპირ ეთერში სურსათის უვნებლობის საგაგენტოს აჭარის სამმართველოს ინსპექტორი რუსუდან დავითაძე საუბრობდა.