კომპეტენტური პასუხი.

06 ოქტომბერი 2023, 14:26 3390 ნახვა

კომპეტენტური პასუხი.

დაარღვია თუ არა საქართველოს პრეზიდენტმა კონსტიტუცია.

სტუმრები:

ვახუშტი მენბდე - კონსტიტუციონაალისტი.

ლევან ანთაძე - პარტია "ერთიანი ნაციონალური მოძრაობა".

ანზორ ბოლქვაძე - პარტია "ქართული ოცნება".

კომპეტენტური პასუხი

საქართველოს ევროინტეგრაცია და რუსული პროპაგანდა. „კომპეტენტური პასუხში“ დასმულ შეკითხვებს " საერთაშორისო გამჭვირვალობა- საქართველოს" რეგიონული ოფისების მენეჯერი“ მალხაზ ჭკადუა და გამომცემლობის „წიგნები ბათუმში“ ხელმძღვანელი ირაკლი ბაკურიძე პასუხობდნენ.
78 არცერთის წინააღმდეგ საქართველოს პარლამენტმა აჭარის კონსტიტუციაში ცვლილებებს დაუჭირა მხარი. რა იცვლება რეგიონის მოსახლეობისთვის ავტონომიური რესპუბლიკის განახლებული კონსტიტუციით?- ამ თემაზე „კომპეტენტურ პასუხის“ პირველ ნაწილში აჭარის უმაღლსი საბჭოს დეპუტატები ერთიანი ნაციონალური მოძრაობიდან გია აბულაძე და ევროპული საქართველოდან პეტრე ზამბახიძე საუბრობდნენ. გადაცემის მეორე ბლოკში დასმულ შეკითხვებს აჭარის უმაღლესი საბჭოს თავმჯდომარე დავით გაბაიძე პასუხობდა.
კრიზისი მმართველ პარტიაში, მოახლოებული საპრეზიდენტო არჩევნები თუ ქვეყნის საგარეო გამოწვევები. როგორ აფასებენ ივანიშვილის პოლიტიკაში დაბრუნებას რეგიონში მოღვაწე პარტიების წარმომადგენლები და ვის წასვლას ნიშნავს ბიძინა ივანიშვილის მეორედ მოსვლა?-დღეს „კომპეტენტურ პასუხში“ მოისმენთ. გადაცემაში დასმულ შეკითხვებს ევროპული საქართველოდან პეტრე ზამბახიძე, ქართული ოცნებიდან ვლადიმერ მგალობლიშვილი, ერთანი ნაციონალური მოძრაობიდან გია აბულაძე და პატრიოტთა ალიანსიდან არჩილ მამულაძე პასუხობენ.
მმართველ ძალას ძალიან უჭირს იყოს თვითკრიტიკული. პირიქით, ის საკმაოდ მიცემულია თვითკმაყოფილებას და მე ამაში ვხედავ საფრთხეს ქვეყნისთვის“- აცხადებს საზოგადოებრივი მაუწყებლის აჭარის რადიოს გადაცემა „კომპეტენტური პასუხისთვის“ მიცემულ ექსკლუზიურ ინტერვიუში საქართველოს პრეზიდენტის საპარლამენტო მდივანი ანა ნაცვლიშვილი. საქართველომ გაიარა ყველა გზა, რაც საკმარისია იმისთვის, რომ ნატოს წევრი გახდეს.“- აცახდებს საქართველოს თავდაცვისა და უშიშროების კომიტეტის თავმჯდომარე. ირაკლი სესიაშვილის ვრცელი ინტერვიუ მოისმინეთ დღეს, აჭარის რადიოს გადაცემა „კომპეტენტურ პასუხში“.
ნატო - საქართველო და კონფლიქტური რეგიონები- საქართველოს სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი.
სირიის კრიზისი და დანარჩენი მსოფლიო. რა გავლენა შეიძლება მოახდინოს ახლო აღმოსავლეთში განვითარებულმა მოვლენებმა ჩვენს ქვეყანაზე. რა ხდება სირიაში დღეს და რა გაგრძელება ექნება რუსეთ და ამერიკის საქმის გარჩევას?- ამ თემაზე „კომპეტენტურ პასუხში“ ბათუმის შოთა რუსთაველის სახელმწიფო უნივერსიტეტის სპეციალისტი საერთაშორისო ურთიერთობებში ირაკლი მანველიძე და პოლიტოლოგი ასლან ლორთქიფანიძე საუბრობენ . პირდაპირ ეთერში სამხედრო ანალიტიკური ჟურნალის „არსენალი“ მთავარი რედაქტორი ირაკლი ალადაშვილი ჩაერთო.
ქვეყაში ფაროსანას წინააღმდეგ საბრძოლველად საინფორმაციო ცენტრები ამოქმედდა. ერთერთი მათგანი დღეს აჭარაში, კერძოდ კი ჩაქვში გაიხსნა. რა იქნება ფაროსანასთან ბრძოლის ცენტრის მთავარი დანიშნულება და ხელისუფლება მავნებელთან ბრძოლის რა გზებს ირჩევს?- გადაცემის პირველი ნაწილის სტუმრები იყვნენ „ევროპული საქართველოს“ აჭარის ორგანიზაციის ხელმძღვანელი რაულ თავართქილაძე და აჭარის უმაღლესი საბჭოს აგრარულ და თვითმართველობის საკითხთა კომისიის ხელმძღვანელი ვახტაგ წულაძე. პირდაპირ ეთერში ფიტო პათოლოგიისა და ბიომრავალფეროვნების უფროსი მეცნიერ თანამშრომელი ცისანა ცეცხლაძე ჩაერთო. გადაცემის მეორე ნაწილის სტუმრები, აჭარის სოფლის მეურნეობის მინისტრის მოადგილე ჯამბულ ხოზრებანიძე და ფაროსანასთან ბრძოლის საინფორმაციო ცენტრის ხელმძღვანელი გიორგი მახარაძე იყვნენ. პირდაპირ ეთერში საქართველოს სურსათის ეროვნული სააგენტოს მცენარეთა დაცვის დეპარტამენტის უფროსი ნიკოლოზ მესხი ჩაერთო.
ვინ აკონტროლებს ქვეყანაში ჯანდაცვის სერვისების მიწოდების ხარისხს, რა სანქციები მოქმედებს დარღვევების გამოვლენის შემთხვევში და რამდენად დაცულია საქართველოში პაციენტის უფლებები?- ამ თემაზე „კომპეტენტურ პასუხში“ საქართველოს პარლამენტის ვიცე-სპიკერი ილია ნაკაშიძე საუბრობს. გადაცემაში ასევე მონაწილეობა მიიღეს სახალხო დამცველის პირველმა მოადგილე თამარ გვარამაძემ და სამედიცინო საქმიანობის სახელმწიფო რეგულირების სააგენტოს კონტროლის დეპარტამენტის უფროსმა ნინო ხუციშვილმა.
„გოდერძზე“ ზამთრის სეზონი ოფიციალურად დაიხურა. როგორია რეგიონში ზამთრის კურორტების განვითების ტემპები და რატომ უნდა ეწვიოს მაღალმთიან აჭარას დამსვენებელი ზაფხულში?-ამ თემაზე „კომპეტენტურ პასუხში“ აჭარის ტურიზმისა და კურორტების დეპარტამენტის უფროსის მოადგილე თამარ კაიკაციშვილი საუბრობს. პირდაპირ ეთერში კურორტ "გოდერძის" დირექტორი ზურაბ ჭურკვეიძე ჩაერთო.
ქედის მუნიციპალიტეტის მერის მუშაობის 100 დღეს აჭარის რადიოს გადაცემა „კომპეტენტურ პასუხში“ შეაფასეს. გადაცემის პირველი ნაწილის სტუმრები ქედის საკრებულოს წევრი ერთიანი ნაციონალური მოძრაობიდან ვაჟა ბოლქვაძე და არასამთავრობო ორგანიზაცია დემოკრატიის ინსტიტუტის წარმომადგენელი დავით ანანიძე იყვნენ. „კომპეტენტური პასუხის“ მეორე ბლოკში დასმულ კითხვებს ქედის მერი ლევან გორგილაძე პასუხობდა.
ფაროსანა- მავნებელი მწერი, რომლის გააქტიურებასაც ქვეყანაში დათბობასთან ერთად ელიან. ბაღლიჯომ შესაძლოა დისკომფორტი არა მხოლოდ ადგილობრივებს, არამედ ვიზიტორებასაც შეუქმნას. როგორია მავნებელთან ბრძოლის სახელმწიფო სტრატეგია, რას აკეთებს ხელისუფლება დაცული ტერიტორიების ფაროსანასაგან დასაცავად და რა მნიშვნელობა აქვს ბრძოლის პროცესში მოსახლეობის ინფორმირებას? - გადაცემის სტუმარი აჭარის სოფლის მეურნეობის სამინისტროს აგრარული განვითარების დეპარტამენტის უფროსი მამუკა თურმანიძე გახლდათ. პირდაპირ ეთერში საქართველოს გარემოს დაცვისა და სოფლის მეურნეობის მინისტრის მოადგილე გიორგი ხანიშვილი ჩაერთო.
ტატუნაშვილი-ოთხოზორიას ტრაგედია და საქართველოს პარლამენტსა და აჭარის უმაღლეს საბჭოში მიღებული რეზოლუციები. რას ითვალისწინებს დოკუმენტები, რატომ არ დაუჭირა მას მხარი ერთიანი ნაციონალური მოძრაობის წარმომადგენლებმა, ვის უნდა დაეკისროს ოთხოზორია- ტატუნაშვილის სიის არსრულების ნაწილზე პასუხისმგებლობა და მოახდენს თუ არა გავლენას რეზოლუცია ჟენევის ფორმატზე?- ამ თემაზე „კომპეტენტური პასუხის“ პირველ ნაწილში აჭარის უამღლესი საბჭოს დეპუტატი ერთიანი ნაციონალური მოძრაობიდან ასმათ დიასამიძე და პოლიტოლოგი ასლან ლორთქიფანიძე საუბრობენ. გადაცემაში ჩაერთო ექსპერტი კავკასიის საკითხებში მამუკა არეშიძე. „კომპეტენტური პასუხის“ მეორე ბლოკში დასმულ შეკითხვებს აჭარის უმაღლესი საბჭოს ფრაქცია ქართული ოცნება-აჭარას“ თავმჯდომარე დავით ბაციკაძე და აჭარის უმაღლესი საბჭოს დეპუტატი ევროპული საქართველოდან პეტრე ზამბახიძე პასუხობენ .
კოალიცია „შინ მოვლა-საქართველოს“ წარმომადგენლები მუნიციპალიტეტებში მიმდინარე შინ მოვლის პროგრამის კვლევის შედეგებს ასაჯაროვებენ. მათი განცხადებით, ბათუმში ყველაზე რთული ვითარებაა. პროგრამის ბენეფიციარები განკუთვნილ სერვისებს სრულფასოვნად ვერ იღებენ. მესამე სექტორი მომწოდებელი კომპანიის მუშაობის ხარვეზებზე საუბრობს, მერიას კი პროგრამის მონიტორინგს უწუნებს. კოალიციაში შესაძლო კორუფციული სქემის არსებობასაც არ გამორიცხავენ. რა ხარვეზები გამოიკვეთა შინ მოვლის პროგრამაში და როგორია მერიის წარმომადგენელთა პასუხი?- ამ თემაზე „კომპეტენტურ პასუხში“ კოალიცია „შინ მოვლა საქართველოს“ ხელმძღვანელი უჩა ვახანია და ბათუმის მერიის ჯანმრთელობისა და სოციალური დაცვის სამსახურის უფროსის მოადგილე გოჩა ჯიბლაძე საუბრობენ. პირდაპირ ეთერში „საქართველოს კარიტასის“ მანანა მენაბდე ჩაერთო.
ოპოზიციის პროგნოზი გამართლდა- საზოგადოებრივი მაუწყებლის სამურვეო საბჭოს წევრობისთვის პარლამენტში აჭარის კვოტით ბესიკ ლილუაშვილი იბრძოლებს. ოპოზიციის განმარტებით, ქართული ოცნება კანდიდატზე წინასწარ შეთანხმდა. იგივეს აცხადებდა კონკურსის მონაწილე ნათია სირაბიძეც. მხარეების პოზიციები „კომპეტენტურ პასუხში“ მოისმინეთ. გადაცემის სტუმრები პირველ ნაწილში იყო აჭარის უმაღლესი საბჭოს დეპუტატები ერთიანი ნაციონალური მოძრაობიდან ასმათ დიასამიძე. პირდაპირ ეთერში აჭარის უმაღლესი საბჭოს ადამიანის უფლებათა დაცვის კომისიის ხელმძღვანელი ცოტნე ანანიძე და საზოგადოებრივი მაუწყებლის სამეურვეო საბჭოს წევრობის კანდიდატი ნათია სირაბიძე ჩაერთვნენ. „კომპეტენტური პასუხის“ მეორე ბლოკში დასმულ შეკითხვებს აჭარის კვოტით საზოგადოებრივი მაუწყებლის სამეურვეო საბჭოს წევრობის კანდიდატი ბესიკ ლილუაშვილი პასუხობდა
გამოსავლის ძიების სურვილი თუ რუსეთ-საქართველოს ურთიერთობის სხვა ეტაპზე გადაყვანის მცდელობა- საქართველოს პრემიერის წერილს რუსეთის ხელისუფლებისადმი შეფასებები პოლიტიკურ წრეებში მოყვა. როგორია ექსპერტებისა და პოლიტოლოგების მოსაზრებები კვირიკაშვილის მიმართვასთან დაკავსირებით?-ამ თემაზე „კომპეტენტურ პასუხში“ ბათუმის შოთა რუსთაველის სახელობის სახელმწიფო უნივერსიტეტის ასოცირებული პორფესორი საერთაშორისო ურთიერთობების საკითხებში ირაკლი მანველიძე და პოლიტოლოგი ასლან ლორთქიფანიძე საუბრობენ. პირდაპირ ეთერში ექსპერტი გია ხუხაშვილი ჩაერთო.
ქალთა მიმართ ძალადობა და სახელმწიფოს ვალდებულებები. რამდენად საკმარისია ქვეყანაში მოქმედი კანონები სუსტი სქესის მიმართ ძალადობის აღმოსაფხვრელად და პრობლემის გადაჭრის საქმეში რა მნიშვნელობა აქვს პრევენციას?- ამ თემაზე „კომპეტენტურ პასუხის“ პირველ ნაწილში ძალადობისგან დაცვის ეროვნული ქსელის აჭარის რეგიონული არასამთავრობო ორგანიზაცია „იალქანის“ დირექტორი თეონა აბაშიძე საუბრობს, პირდაპირ ეთერში ჩაერთვნენ სახალხო დამცველის აპარატის გენდერული თანასწორობის დეპარტამენტის უფროსი ანა ილურიძე და ახალგაზრდა იურისტთა ასოციაციის აჭარის ორგანიზაციის იურისტი პააატა დიასამიძე. გადაცემის მეორე ბლოკის სტუმარი იყო აჭარის უმაღლესი საბჭოს განათლების, მეცნიერების, კულტურისა და სპორტის საკითხთა კომისიის ხელმძღვანელი ლადო მგალობლიშვილი.პირდაპირ ეთერში საქართველოს პარლამენტიდან ადამიანის უფლებათა დაცვისა და სამოქალაქო ინტეგრაციის კომიტეტის წევრი ნუკრი ბეჟანიძე ჩაერთო.