დასავლური ინტეგრაციის პროცესის შესახებ ინფორმირებულობისა და ჩართულობის გაზრდა საქართველოს რეგიონებში“

დღევანდელი, 15 დეკემბრის გადაცემაში ვისაუბრეთ პროექტზე „დასავლური ინტეგრაციის პროცესის შესახებ ინფორმირებულობისა და ჩართულობის გაზრდა საქართველოს რეგიონებში“ . აღნიშნულ პროექტს ახორციეებს საინფორმაციო ცენტრი ნატოსა და ევროკავშირის შესახებ აშშ-ის სახელმწიფო დეპარტამენტის ფინანსური მხარდაჭერით და საქართველოში აშშ-ის საელჩოსთან პარტნიორობით. პროექტი მიზნად ისახავს საქართველოს მოსახლეობის ცნობიერების ამაღლებას და ჩართულობის გაზრდას ქვეყნის ევროპული და ევრო-ატლანტიკური ინტეგრაციის პროცესში. „კონტაქტის „ სტუდიის სტუმრები იყვნენ: ირმა გაბინაშვილი, საქართველოს საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის რეგიონული წარმომადგენელი აჭარაში ; აშშ სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში გამოცხადებული სტაჟირების პროგრამის მონაწილე გვანცა ზოიძე. შუახევიდან ტელეფონით გვერთვებოდა ამირან ხიმშიაშვილი- ნატოსა და ევროკავშირის შესახებ საინფორმაციო ცენტრში ადგილობრივი ინიციატივების მხარდასაჭერად გამოცხადებული მცირე პროექტების კონკურსის გამარჯვებული პროექტის იდეის ავტორი .