#მიკრო და მცირე მეწარმეობის ხელშეწყობის პროგრამა # სოფლად მეწარმეობის განვითარების ხელშეწყობის პროგრამა

06 აპრილი 2022, 17:09 17109 ნახვა

#მიკრო და მცირე მეწარმეობის ხელშეწყობის პროგრამა # სოფლად მეწარმეობის განვითარების ხელშეწყობის პროგრამა

#კონტაქტი

„აწარმოე საქართველოში“ ერთ-ერთი პირველი სახელწიფო სააგენტოა , რომლის მიზანი სამეწარმეო გარემოს გაუმჯობესება, კერძო სექტორის განვითარება, საქართველოს საინვესტიციო კლიმატის პოპულარიზაცია და ექსპორტის ხელშეწყობაა. სააგენტომ 21 მარტიდან 11 აპრილის ჩათვლით , მიკრო და მცირე მეწარმეობის ხელშეწყობის სახელმწიფო პროგრამის ფარგლებში, ბიზნესიდეების მიღება დაიწყო. საგრანტო კონკურსის დეტალებზე დღევანდელი, 6 აპრილის გადაცემის პირველ ნაწილში სააგენტოს „აწარმოე საქართველოში“ მიკრომეწარმეობის განვითარების დეპარტამენტის პროგრამის მენეჯერმა გიორგი კვარაცხელიამ ისაუბრა.

გადაცემის მეორე ნაწილი დაეთმო „სოფლად მეწარმეობის განვითარების ხელშეწყობის პროგრამას“, რომელსაც აჭარის სოფლის მეურნეობის სამინისტროს აგროსერვის ცენტრი ახორციელებს. აღნიშნული პროგრამა სამეწარმეო საქმიანობის განვითარების გზით ახალი სამუშაო ადგილების შექმნაზე და მოსახლეობის სოციალურ-ეკონომიკური მდგომარეობის გაუმჯობესებაზეა ორიენტირებული.პროგრამის ფარგლებში გამოცხადებულ საგარანტო კონკურსზე განაცხადების მიღება 31 მარტს დასრულდა. შემოსილი განაცხადების რაოდენობაზე და ეტაპებზე აჭარის სოფლის მეურნეობის სამინისტროს აგროსერვის ცენტრის „სოფლად მეწარმეობის განვითარების ხელშეწყობის პროგრამის“ მენეჯერმა ირაკლი ცისკარაძემ ისაუბრა.

კონტაქტი

ყოველ სამშაბათს "კონტაქტი" ჯანდაცვის სფეროს ეთმობა. გადაცემის თემა: საერთაშორისო პროექტი „ნულოვანი ტუბერკულოზი“,რომლის მიზანი ცალკეულ რეგიონებსა და ქალაქებში ტუბერკულოზისგან თავისუფალი კუნძულების შექმნაა.ამ ინიციატივას მიმდინარე წელს აჭარა შეუერთდა. რა უნდა ვიცოდეთ ტუბერკულოზის შესახებ და რა ღონისძიებებით მიიღება ტუბერკულოზისგან თავისუფალი კუნძული-ამ თემაზე სასაუბროდ გადაცემის სტუმრები იყვნენ აჭარის საზოგადოებრივი ჯანდაცვის ცენტრის დირექტორი რუსუდან შავიშვილი და ფტიზიატრი ნინო ტუნაძე.
ყოველ ორშაბათს კონტაქტი განათლების სფეროს ეთმობა. დღევანდელი გადაცემის თემა იყო: ბათუმის შოთა რუსთაველის სახელმწიფო უნივერსიტეტი - რეალობა,, შეფასებები, მოლოდინები. სტუმრები- ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში და ხარისხის უზრუნველყოფის სამსახურის უფროსი ანზორ ბერიძე.
ტრადიციულად, ყოველ პარასკევს „კონტაქტი“ ტურიზმის სფეროს ეთმობა. დღევანდელი გადაცემის პირველ ნაწილში აჭარის ტურისტული საინფორმაციო ცენტრების საქმიანობაზე ვისაუბრეთ ,'კონტაქტის" სტუდიის სტუმრები იყვნენ აჭარის ტურისტული პროდუქტების განვითარების სააგენტოს ტურისტული საინფორმაციო ცენტრების მართვის განყოფილების უფროსი მაია ქაშიბაძე და ტურისტული საინფორმაციო- ცენტრის ოპერატორი თაკო ბარათაშვილი გადაცემის მეორე ნაწილი კი ახალ ტურისტულ პროექტს დავუთმეთ---მაღალმთიან აჭარაში ალპური სათავგადასავლო მარშრუტი დასკვნით ეტაპზეა. ტელეფონით პირდაპირ ეთერში მაღალმთიანი აჭარიდან გვერთვებოდა აჭარის ტურიზმისა და კურორტების დეპარტამენტის ტურისტული პროდუქტების განვითარების სააგენტოს დირექტორი თინათინ ზოიძე
ტრადიციულად, ყოველ ხუთშაბათს „კონტაქტი“ სოფლის მეურნეობის სფეროს ეთმობა. დღევანდელ გადაცემაში სასათბურე სექტორის განვითარების პერსპექტივებსა და მოსალოდნელ შედეგებზე ვისაუბრეთ. სასათბურე მეურნეობების განვითარების ხელშეწყობის პროგრამას აჭარის სოფლის მეურნეობის სამინისტრო ახორციელებს, პროგრამა ითვალისწინებს სათბურების მოწყობას ფერმერთა საკარმიდამო ნაკვეთებში , ასევე თანამედროვე ტექნოლოგიებით აღჭურვილი სასათბურეების მოწყობას ქობულეთის მუნიციპალიტეტში და შეღავათიანი იჯარით ფერმერებისთვის გადაცემას. როგორ მიმდინარეობს ეს პროცესი -ამ თემაზე სასაუბროდ ჩვენი სტუდიის სტუმარი იყო აჭარის სოფლის მეურნეობის სამინისტროს დარგობრივი განვითარების განყოფილების უფროსი ჯიმშერ დიასამიძე.
16-23 სექტემბერს ბათუმში საავტორო ფილმების საერთაშორისო კინოფესტივალი გაიმართება. კინოფესტივალის ორგანიზატორია ბათუმის ხელოვანთა სახლი“არგანი“. როგორ მიმდინარეობს კინოფესტივალისთვის მზადება ამ თემაზე დღევანდელი გადაცემის სტუმარი იყო ბათუმის საავტორო ფილმების საერთაშორისო კინოფესტივალის მენეჯერი ზვიად ელიზიანი.
სისხლში ტყვიის შემცველობა მსოფლიოსთვის დღეს სერიოზულ პრობლემას წარმოადგენს. როგორი ვითარებაა საქართველოში -ამ კითხვაზე პასუხს კვლევის შემდეგ მივიღებთ. კვლევა სექტემბერში დაიწყება. რატომ არის სისხლში ტყვიის შემცველობა საშიში, არსებობს თუ არა მკურნალობისა და პრევენციის მეთოდები - ამ და სხვა საკითხებზე სასაუბროდ გადაცემის სტუმარი იყო დაავადებათა კონტროლისა და საზოგადოებრივი ჯანმრთელობის ეროვნული ცენტრის აჭარის სამმართველოს უფროსი ნინო გუგუშვილი. ტელეფონით გვერთვებოდა სურსათის ეროვნული სააგენტოს აჭარის რეგიონული სამმართველოს ინსპექტორი ბიძინა ჯიბლაძე.
26-29 აგვისტოს აჭარა ლიტერატურულ ფესტივალს „ზე -კართან’ უმასპინძლებს.ფესტივალი 2013 წელს დაფუძნდა და მასში საქართველოს არაერთმა ცნობილმა თუ დამწყებმა პოეტმა და პროზაიკოსმა მიიღო მონაწილეობა. ფესტივალის მთავარი მასპინძელი შუახევის მუნიციპალიტეტია , თუმცა ღონისძიებების ნაწილი ხულოსა და ქედაში იმართება. როგორ მიმდინარეობს ფესტივალისთვის მზადება -ამაზე დღევანდელი, 23 ივლისის გადაცემაში ვისაუბრეთ. სტუდიაში იყვნენ ლიტერატურული ფესტივალის „ზე-კართან“ დამფუძნებელი და დირექტორი ვახტანგ ბერიძე და ევროპის კულტურის პარლამენტის წევრი, ფესტივალის მარკეტინგისა და პიარის მენეჯერი ნათია სირაბიძე.