ირაკლი კუპრაძის წინააღმდეგ სასამართლომ საქმე შეწყვიტა
09 აპრილი 2022, 18:25 1131 ნახვაბათუმის საქალაქო სასამართლომ საკრებულოს წევრის ირაკლი კუპრაძის წინააღდეგ საქმის წარმოება მტკიცებულებების არარსებობის გამო შეწყვიტა.
გადაწყვეტილება მოსამართლე ხათუნა ბოლქვაძემ მიიღო.
სასამართლომ დღეს ვიდეომტკიცებულებები გამოიკვლია. ოქმის შემდგენი მხარე ამტკიცებდა, რომ პირველ მარტს ირაკლი კუპრაძე აჭარის მთავრობის სახლთან პოლიციელებს მონას ეძახდა და სიტყვიერ შეურაცხყოფას აყენებდა ხელისუფლების წარმომადგენლებს.
ამას გარდა, სამართალდამცველები ირწმუნებოდნენ, რომ საკრებულოს წევრი აჭარის მთავრობის ადმინისტრაციულ შენობაში შეჭრას ცდილობდა და დაკავების შემდეგ წინააღმდეგობას უწევდა პოლიციელებს.
ირაკლი კუპრაძე ოქმის შემდგენ პირებს ვიდეომონტაჟში ადანაშაულებდა და აცხადებდა, რომ მისი დაკავება იყო პოლიტიკურად მოტივირებული, მას კანონი არ დაურღვევია და დაკავების შემდეგ 48 საათი უკანონო პატიმრობაში იმყოფებოდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა