ვიზიტი აშშ-ში
01 აპრილი 2022, 10:14 788 ნახვასაქართველოს ოკუპირებულ ტერიტორიებზე უსაფრთხოების, ჰუმანიტარული და ადამიანის უფლებათა კუთხით არსებულ მდგომარეობაზე იმსჯელეს სახელმწიფო დეპარტამენტში გამართულ შეხვედრაზე.
შერიგებისა და სამოქალაქო თანასწორობის საკითხებში სახელმწიფო მინისტრი შეერთებულ შტატებში ვიზიტის ფარგლებში კონფლიქტისა და სტაბილიზაციის ოპერაციების საკითხებში სახელმწიფო დეპარტამენტის მდივნის თანაშემწეს და ლტოლვილთა და მიგრაციის საკითხებში სახელმწიფო მდივნის თანაშემწის მოადგილეს შეხვდა.
უწყების ინფორმაციით, მინისტრმა ყურადღება გაამახვილა გამყოფი ხაზების გასწვრივ მავთულხლართებისა და სხვა ფიზიკური ბარიერების აღმართვაზე, თავისუფალ გადაადგილებაზე დაწესებულ შეზღუდვებსა და უკანონო დაკავების ფაქტებზე.
ასევე განიხილეს უკრაინაში საომარი მოქმედებები, შექმნილი მდგომარეობა და მისი გავლენა რეგიონულ უსაფრთხოებაზე. ვიზიტის ფარგლებში გაიმართა სამმხრივი დიალოგის შეხვედრა აშშ-ისა და ევროკავშირის წარმომადგენლებთან.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა