თუ გაქვთ ელექტრონული QR კოდი, მატერიალური კოვიდბარათი საჭირო აღარ არის

30 ნოემბერი 2021, 10:21 2084 ნახვა

იუსტიციის სახლი განმარტავს, რომ ელექტრონული QR კოდის ქონის შემთხვევაში, მატერიალური კოვიდბარათის აღება საჭირო აღარ არის.

მოქალაქეებმა უნდა გადმოწერონ აპლიკაცია Georgia e-Health, რომელიც ე.წ. მწვანე პასპორტის ფუნქციას შეასრულებს.

უწყების ცნობით, მხოლოდ იმ შემთხვევაში, თუ მოქალაქეს რაიმე მიზეზით არ შეუძლია ციფრული კოვიდ-სერტიფიკატისთვის საჭირო აპლიკაციის ჩამოტვირთვა, მან უნდა მიმართოს იუსტიციის სახლს.

''აპლიკაციაში QR კოდის გააქტიურების შემდეგ, როგორც ქვეყნის შიგნით, ისე ციფრული კოვიდ-პასპორტების ერთიან სივრცეში გაწევრიანებულ 49-ვე ქვეყანაში მოგზაურობისთვის, მატერიალური კოვიდ-ბარათის ქონა საჭირო აღარ არის.

აპლიკაციის ჩამოტვირთვისა და რეგისტრაციის გავლის შემდეგ გაიაქტიურებთ QR კოდს და მიიღებთ ვაქცინაციასთან დაკავშირებულ შემდეგ ინფორმაციას:

ვაქცინაციის ჩატარების თარიღს და ვაქცინის ტიპს

უკანასკნელად ჩატარებულ PCR და ანტიგენის ტესტის შედეგებს

თქვენი ინფიცირების სტატუსს'' - წერია ინფორმაციაში. 

აპლიკაციის გადმოსაწერად გამოიყენეთ ლინკები: iPhone – apps.apple.com და Android – play.google.com

საქართველოში პირველი დეკემბრიდან ე.წ. მწვანე პასპორტი ამოქმედდება. პირს მწვანე სტატუსი აქვს, თუ იგი ვაქცინირებულია ორჯერ, ჩატარებული აქვს 72-საათიანი „პისიარ“-ტესტი ან 24-საათიანი ანტიგენ-ტესტი, ან გადატანილი აქვს კორონავირუსი.

აჭარის მაუწყებელი
სოც. ადმინისტრატორი

ამავე კატეგორიაში