კულტურის სახლის შენობაში წყალი ჩადის

12 ნოემბერი 2021, 11:05 803 ნახვა

დაზიანებული ჭერი, ჩამოცვენილი ბათქაში და დანესტილი კედლები. ასეთი ვითარებაა დღეს ქობულეთის კულტურის სახლის შენობაში. აქ წვიმის დროს წყალი სახურავიდან ოთახებში ჩადის.

ქობულეთის მერიის ინფრასტრუქტურის სამსახურში ამბობენ, უკვე მიმართეს შემსრულებელ კომპანიას სახურავის მოწყობასთან დაკავშირებით. იმის მიუხედად, რომ სატენდერო პირობების ვადა ამოწურულია. ქობულეთის კულტურის სახლის მშენებლობა, შპს „ემტეემმა“ 2015 წელს დაასრულა.

პროექტისთვის აჭარის ბიუჯეტიდან კაპიტალური ტრანსფერით, 2-მილიონ ლარზე მეტი იყო გამოყოფილი.

რაც შეეხება შენობის შიდა სამუშაოებს, მისი რემონტი მომავალი წლის ბიუჯეტში იქნება გათვალისწინებული. საპროექტო დოკუმენტაციის მომზადება დაწყებულია.

ლევან ურიდია

ჟურნალისტი