ხვალ, ბათუმის "დინამოსა" და თბილისის "დინამოს" შეხვედრას გულშემატკივრები დაესწრებიან

19 ოქტომბერი 2021, 15:33 616 ნახვა

საქართველოს ეროვნული ლიგის 30-ე ტურის ცენტრალური შეხვედრა, ხვალ, ბათუმში მაყურებლების თანდასწრებით გაიმართება.

გათამაშების ლიდერი ბათუმის "დინამო", საკუთარ მოედანზე, მეორე ადგილოსან თბილისის "დინამოს" უმასპინძლებს.

საკოორდინაციო საბჭოს გადაწყვეტილებით, სტადიონის საერთო ტევადობის 33%-ზე გულშემატკივართა დასწრება შესაძლებელი გახდა. შეხვედრაზე დასასწრები ბილეთები ონლაინ რეჟიმში, biletebi.ge- ზე გაიყიდება. გულშემატკივრებს მისი შეძენა დღეს 16:00 საათიდან შეეძლებათ. 

მატჩზე დასწრების მსურველებმა უნდა წარმოადგინონ: მატჩის ბილეთი, პირადობის დამადასტურებელი მოწმობა, ან ვაქცინაციის დამადასტურებელი დოკუმენტი, ან 72 საათიანი ვალიდურობის PCR, ან 24 საათიანი ვალიდურობის ანტიგენ ტესტის უარყოფითი პასუხი, ან ბოლო 6 თვის განმავლობაში კორონავირუსის გადატანის დამადასტურებელი ცნობა. აღნიშნული ვრცელდება არასრულწლოვან პირებზეც.

29 ტურის შემდეგ ბათუმის "დინამოს" 63 ქულა აქვს და პირველ ადგილზეა, ხოლო დედაქალაქები 56 ქულით მეორე პოზიციაზე იკავებენ.

სეო წილოსანი
სპორტული ჟურნალისტი

ამავე კატეგორიაში