პოლიტიკური დაპირისპირება მიღწეულ დემოკრატიულ პროგრესს საფრთხეს უქმნის - NDI

09 სექტემბერი 2021, 18:16 244 ნახვა

ეროვნულ-დემოკრატიული ინსტიტუტის განცხადებით, "პოლიტიკური დაპირისპირება, რომელმაც ქართული პოლიტიკა სრულად მოიცვა, 30 წლის განმავლობაში მიღწეულ დემოკრატიულ პროგრესს საფრთხეს უქმნის". NDI-ის მიერ გავრცელებულ კვლევაში ასევე აღნიშნულია, რომ პარტიებს მოქალაქეთა საჭიროებებზე ფოკუსირებითა და დემოკრატიული პრინციპების დაცვით არჩევნების მიმართ ნდობის განმტკიცება შეუძლიათ. ეროვნულ-დემოკრატიული ინსტიტუტის საერთაშორისო ექსპერტების გუნდმა პოლიტიკურ პარტიებთან, მთავრობის წარმომადგენლებთან, სამოქალაქო საზოგადოებასა და მედიასთან ონლაინშეხვედრები გამართა. არჩევნების დღემდე  დაახლოებით სამი კვირით ადრე  NDI-ს  აქვს რეკომენდაციები. მათ შორისაა ის, რომ ყველა პარტიის მხარდამჭერმა თავი უნდა შეიკავოს პოლიტიკური ძალადობისა და დაშინებისგან. პოლიტიკურმა პარტიებმა დროულად უნდა შემოიღონ და გამოიყენონ შიდა სანქციები მათთვის, ვინც ამ პრინციპებს დაარღვევს.

აჭარის საზოგადოებრივი მაუწყებელი
ადმინისტრატორი

ამავე კატეგორიაში

#უსმინეთ!

#უყურეთ!

ამინდი