"სინოვაკის" ვაქცინამ ჯანდაცვის მსოფლიო ორგანიზაციის ავტორიზაცია მიიღო

01 ივნისი 2021, 19:05 770 ნახვა

ჯანდაცვის მსოფლიო ორგანიზაციამ ჩინური წარმოების "სინოვაკის“ ვაქცინას, ავტორიზაცია მიანიჭა და ის გადაუდებელი გამოყენებისთვის დაამტკიცა.

გადაწყვეტილება ჯანდაცვის მსოფლიო ორგანიზაციის ექსპერტთა ჯგუფმა ცოტახნის წინ მიიღო. 

"ჯანმომ Sinovac-CoronaVac-ის ვაქცინა საგანგებო გამოყენებისთვის დაამტკიცა. ქვეყნებს, ფონდებსა და შესყიდვების სააგენტოებს არწმუნებს, რომ აღნიშნული ვაქცინა უსაფრთხოების, ეფექტურობისა და წარმოების საერთაშორისო სტანდარტებს პასუხობს“, - ნათქვამია ჯანმოს განცხადებაში.

"სინოფარმის" შემდეგ, ეს მეორე ჩინური ვაქცინაა, რომელსაც ჯანმო-ს ავტორიზაცია აქვს. 

საქართველოში 18 წლის ზემოთ მოქალაქეებისთვის "სინოვაკის" ვაქცინით იმუნიზაციის პროცესი 24 მაისს დაიწყო.

აჭარის მაუწყებელი
სოც. ადმინისტრატორი

ამავე კატეგორიაში