აჭარის მაღალმთიანეთში მეწყრული პროცესების გააქტიურების გამო, რამდენიმე მონაკვეთზე მოძრაობა შეზღუდულია
24 მარტი 2021, 15:39 1356 ნახვა
საავტომობილო გზების დეპარტამენტის ინფორმაციით, ძლიერი წვიმის შედეგად ხულოს, შუახევის, ქედისა და ხელვაჩაურის მუნიციპალიტეტებში რამდენიმე მიმართულებით საავტომობილო გზებზე განვითარდა მეწყრული პროცესები.
ავტოტრანსპორტის მოძრაობა რამდენიმე მიმართულებით ნაწილობრივ შეზღუდულია, ხოლო სრულად შეზღუდულია შემდეგი მიმართულებები: ხულოს მუნიციპალიტეტში დიდაჭარა-საციხური-გელაურას, შუახევის მუნიციპალიტეტში ცხემლისი-დარგულას, ჭვანა-ცივაძეები-ქარცივაძეების, ხოლო ქედის მუნიციპალიტეტში მერისი-სიხალიძეების საავტომობილო გზები.
უწყების ცნობით, ადგილობრივებს შესაძლებლობა აქვთ ისარგებლონ შემოვლითი გზებით. დღის ბოლომდე კი ძირითად მიმართულებებზე აღდგება საავტომობილო მოძრაობა.
შემთხვევის ადგილზე 35 ერთეული ტექნიკაა მობილიზებული და გაწმენდითი სამუშაოები მიმდინარეობს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა