ახალი წელი საქართველოში მზიანი და თბილი იქნება

28 დეკემბერი 2020, 10:34 1302 ნახვა

2020 წელს მზიანი დღეებით დავემშვიდობებით და მომავალ წელსაც მზიანი დღეებით შევხვდებით.

საქართველოში ანტიციკლონური სიტუაციის შექმნითა და მასთან არსებული მეტეოპარამეტრების გათვალისწინებით, ბოლო დღეებია მზიანი ამინდი გვაქვს, რომელიც მომდევნო 1 კვირის განმავლობაში კვლავ შენარჩუნდება.

ტემპერატურა დასავლეთ საქართველოში +14, +16, აღმოსავლეთში +9, +11 გრადუსი იქნება.

რაც შეეხება აჭარას, სანაპირო ზოლში +15, +17 გრადუსია მოსალოდნელი, მთიან ზონაში +10, +12 გრადუსი იქნება.

ქვეყნის ტერიტორიაზე, სანაპირო ზოლში ყველაზე მაღალ ტემპერატურას აღმოსავლეთის თბილი ფიონი განაპირობებს, რომელიც როგორც დღისით, ასევე ღამით 10-15 მეტრ/წამის ფარგლებში მერყეობს.

კობა ფარტენაძე

მეტეოროლოგი/წამყვანი