საქართველოს რკინიგზა 24 დეკემბრიდან 2 იანვრის ჩათვლით იმოძრავებს

10 დეკემბერი 2020, 20:34 2334 ნახვა

24 დეკემბრიდან 2 იანვრის ჩათვლით საქართველოს რკინიგზის სამგზავრო გადაყვანები ყველა რეკომენდაციის დაცვით მოძრაობას მაგისტრალურ მიმართულებებზე განაახლებს. ამის შესახებ ინფორმაციას საქართველოს რკინიგზა ავრცელებს.

„ბილეთების შეძენა ონლაინ დღეიდან შეგიძლიათ. სალაროები კი ერთი დღით ადრე, 23 დეკემბერს გაიხსნება. ბილეთების შეძენა შეგიძლიათ ჩვენი ვებ გვერდის მეშვეობით: www.railway.ge ან ჩამოტვირთეთ აპლიკაცია: http://onelink.to/c6dnm8 ასევე საქართველოს რკინიგზის პარტნიორი ვებგვერდებიდან: www.tkt.ge; www.biletebi.ge; www.matarebeli.ge.

შეგახსენებთ, რომ მატარებელში შესვლამდე მგზავრებმა უნდა დაიცვან სოციალური დისტანცია, გაიარონ თერმოსკრინინგი, დეზობარიერი და ხელები დაიმუშაონ სადეზინფექციო ხსნარით. პირბადის გარეშე მგზავრები მატარებელში არ დაიშვებიან, ასევე მგზავრობის პროცესში მათ არ აქვთ პირბადის მოხსნის უფლება“, – ნათქვამია საქარველოს რკინიგზის მიერ გავრცელებულ ინფორმაციაში

აჭარის მაუწყებელი

სოც. ადმინისტრატორი