მცხეთის სამედიცინო ცენტრში 24 წლის პაციენტის გარდაცვალებასთან დაკავშირებით განმარტება გაკეთდა

03 დეკემბერი 2020, 15:41 180 ნახვა

მცხეთის სამედიცინო ცენტრის კლინიკური ხელმძღვანელის, განცხადებით, კორონავირუსით გარდაცვლილი 24 წლის პაციენტი კლინიკაში 18 ნოემბერს ცხელებით, სუნთქვის გაძნელებით, ხველებითა და პნევმონიის ნიშნებით შეიყვანეს.

„ჩვენს კლინიკაში პაციენტი სასწრაფომ შემოიყვანა 18 ნოემბერს. გადმოყვანილი იქნა ტესტირებისთვის, რესპირატორული ჩივილებით. პაციენტს ჰქონდა მაღალი ცხელება, სუნთქვის გაძნელება, ხველა, პნევმონიისთვის დამახასიათებელი სიმპტომატიკის რამდენიმე დღიანი ანამნეზი. ჩვენს კლინიკაში მოყვანამდე პაციენტი მიიყვანეს თბილისის ზღვის ჰოსპიტალში, სადაც ჩატარდა სწრაფი ტესტი ანტიგენზე, რომელიც იყო ნეგატიური და შემდგომ სასწრაფოს იმავე ბრიგადით გადმოიყვანეს ჩვენთან შემდგომი კვლევისთვის, „პისიარ“ ტესტირებისთვის და ზოგადად, კლინიკური კვლევების გაღრმავებისთვის. მოთავსდა პაციენტი ცხელების განყოფილებაში, სადაც ჩატარდა კლინიკურ-ლაბორატორიული კვლევები და პარალელურად ცხვირ-ხახიდან აღებული ნიმუშის „პისიარ“ კვლევა. დადასტურდა „კოვიდ-19“-ის დიაგნოზი.

მას აღენიშნებოდა ფილტვის ორმხრივი დაზიანება, პნევმონია, საკმაოდ ცუდი ლაბორატორიული მონაცემები, მძიმე მიმდინარეობის დაავადება გახლდათ ეს. პაციენტის ჯანმრთელობის მდგომარეობა იყო საყურადღებო. დიაგნოზის დაზუსტების შემდეგ, ის მოთავსდა განყოფილებაში, ინტენსიური მეთვალყურეობის ქვეშ და უტარდებოდა მკურნალობა.

გოგონა იყო ჭარბი წონით. თავად არ ჰქონდა ინფორმაცია თანმხლებ დაავადებებზე, თუმცა ამბობდა, რომ დიდი ხნის განმავლობაში რაიმე გამოკვლევა არ ჰქონდა ჩატარებული. არანაირ დამაძინებელ მედიკამენტს არ იღებდა, არ საჭიროებდა“, – განაცხადა ლიკა მუმლაძემ.

აჭარის მაუწყებელი
სოც. ადმინისტრატორი

ამავე კატეგორიაში