სარეაბილიტაციო პროგრამა

19 ოქტომბერი 2016, 00:00 4654 ნახვა

მაღალმთიან აჭარაში მცხოვრები 11 შეზღუდული შესაძლებლობის მქონე მოზარდი სციალური ადაპტაციის პროგრამაში ჩაერთო. ეს უკვე პროგრამის მეორე ეტაპია, რომლის ფარგლებში 18 წლამდე ასაკის ბენეფიციარებს სარეაბილიტაციო ცენტრ ''სანიტასში'' სპეციალური ფსიქო-სოციალური პროგრამა დაუგეგმეს. 10 დღის განმავლობაში ისინი უზრუნველყოფილი იქნებიან კვებით, მათთან იმუშავებენ ფსიქოლოგები, მასაჟისტები, ასევე გათვალისწინებულია კულტურულ-შემეცნებითი აქტივობები. პროგრამაში შეზღუდული შესაძლებლობების მქონე მოზარდები მშობლებთან და ოჯახის წევრებთან ერთად არიან ჩართულები. პროგრამის მიმდინარეობას დღეს აჭარის ჯანდაცვის მინისტრი და ასოციაცია `ერთმანეთისთვის” ხელმძღვანელი გაეცნენ.