12:00 საათის მონაცემებით ყველაზე მაღალი აქტივობა ქედის, დაბალი კი ბათუმის ოლქში დაფიქსირდა
21 ნოემბერი 2020, 12:49 1414 ნახვაუმაღლეს საარჩევო კომისიაში ამომრჩევლის აქტივობასთან დაკავშირებით საინფორმაციო ბრიფინგი გაიმართა.
უსკოში აცხადებენ, რომ 12 საათის მონაცემებით, ყველაზე მაღალი აქტივობა ქედის, ყველაზე დაბალი კი ბათუმის მაჟორიტარულ ოლქში დაფიქსირდა.
"ბათუმის 28-ე საარჩევნო ოლქში 12:00 საათის მდგომარეობით მონაწილეობა მიიღო 10 504 ამომრჩეველმა, რაც შეადგენს 7,14%, ხოლო 30-ე ხელვაჩაური, ქედა, ხულო, შუახევის მაჟორიტარულ ოლქში 10 430 ამომრჩეველმა, რაც 10,78% შეადგენს. ჯამში აქტივობა 8,58%-ია.
ყველაზე მაღალი აქტივობა დაფიქსირდა ქედის ოლქში 13,17%, ხოლო ყველაზე მცირე ბათუმის მაჟორიტარულ ოლქში 7,14%.
საჩივრები ჯერ-ჯერობით არცერთ საარჩევნო უბანზე არ დაფიქსირებულა და ხმის მიცემის პროცედურა მშვიდად მიმდინარეობს.
ხულოს მუნიციპალიტეტის ორ სოფელში წაბლანასა და წაბლიანში არჩევნების მეორე ტურსაც მოსახლეობა ბოიკოტს უცხადებს, თუმცა საარჩევნო უბნები ჩვეულებრივ გაიხსნა"- აცხადებენ უსკოში.
ამავე კატეგორიაში
#უსმინეთ!
#უყურეთ!
პოპულარული
ამინდი
ფოტო
20-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი - გარემო
გადასვლა პოსტზე 
მაუწყებლობა