კორონავირუსისგან გამოჯანმრთელებული 102 წლის პაციენტი კლინიკიდან გაეწერა

14 ნოემბერი 2020, 13:19 1184 ნახვა

102 წლის ქალმა, რომელმაც კორონავირუსი დაამარცხა კლინიკა დატოვა.ქუთაისის ინფექციური კლინიკის მედ-პერსონალმა მოხუცი აპლოდისმენტებით გააცილა. ის ხანდაზმულთა სახლში გადაიყვანეს. ქალი კლინიკაში ორი კვირის წინ შეიყვანეს. კლინიკის სამედიცინო დირექტორის ნოდარ მაღლაფერიძის თქმით, მოხუცი თავს კარგად გრძნობს და მან კლინიკა დატოვა. "102 წლის გალინა ბებომ ვირუსი დაამარცხა.

ის კლინიკიდან გავწერეთ. ამ ეტაპზე, კლინიკაში გვყავს 74კოვიდ ინფიცირებული პაციენტი. 2 პაციენტის მდგომარეობა კრიტიკულია და მართვით სუნთქვაზე იმყოფება. 13 პაციენტის მდგომარეობა სტაბილურად მძიმეა. ასევე გვყავს ჩვილებიც", - განაცხადა ქუთაისის ინფექციური საავადმყოფოს სამედიცინო მენეჯერმა ნოდარ მაღლაფერიძემ.

თეონა ხარაბაძე

ჟურნალისტი