''გულწრფელად ვნანობ ჩემს გადაჭარბებულ ემოციებს და არაკორექტულ გამონათქვამებს'' - ჯუმბერ ვარდმანიძე
13 ოქტომბერი 2020, 11:43 2007 ნახვა
"ბათუმელებმა" გუშინ, 12 ოქტომბერს, აუდიოჩანაწერი გაავრცელა, რომელშიც ხელვაჩაურის მერი, ჯუმბერ ვარდმანიძე "ბათუმელების" ჟურნალისტს აგინებს.
გამოცემის ცნობით, ჩანაწერი მაშინაა გაკეთებული, როცა ბათუმელების ჟურნალისტი ხელვაჩაურის მერს წინასაარჩევნო შეხვედრებზე სამსახურებრივი ავტომობილით გადაადგილებასთან დაკავშირებით ინტერვიუსთვის მიმართა.
''გულწრფელად ვნანობ ჩემს გადაჭარბებულ ემოციებს და მედიის წარმომადგენლის, ,,ბათუმელების” ჟურნალისტის მიმართ გამოთქმულ არაკორექტულ გამონათქვამებს, ჩემი გაღიზიანება გამოიწვია არასწორმა და ღირსების შემლახველმა ინფორმაციამ, რომელიც ვრცელდებოდა ჩემს შესახებ, თუმცა მიუხედავად ამისა ვიზიარებ ჩემს პასუხისმგებლობას საზოგადოების წინაშე და კიდევ ერთხელ გამოვთქვამ სინანულს მომხდარის გამო'' - დაწერა ფეისბუქის ოფიციალურ გვერდზე ხელვაჩაურის მერმა.
დღეს, 18:00 საათზე, ევროპის მოედანზე ''ბათუმელების'' ჟურნალისტების მხარდასაჭერად სოლიდარობის აქციაა დაგეგმილი.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
მოსალოდნელია ნალექი, ზოგან ძლიერი თოვა, ქარი, ზღვაზე 4-6 ბალიანი შტორმი - გარემო
გადასვლა პოსტზე 
მაუწყებლობა